Na pasali Jahowa do manang ise na mardenggan basa tu na pogos, jala Ibana mamaloshon denggan basana i tu ibana
TURPUK : PODA 19 : 17
Sai jotjot do masa angka pertandingan di portibi on, adong berbentuk Olahraga, Kerohanian, dohot lan na asing. Nuaeng naeng ujionta do adong perlombaan patupahon nauli, natape ndang adong hadiahna na langsung isara piagam manang piala. Patupahon marsali halak na mura do i jala las do rohanta, ai gararonna do i hombar tu tingkina, lam denggan do parsaoranta hinorhonna. Nuaeng adong sosososo laho patupahon nauli marhite parsaoranta alai ndang naeng sihirimonta balosna sian na manghilalahonsa secara langsung, alai naeng taruli hita marhite Debata secara langsung.
Paretongan masa di Jahowa totop disi hali pitu ,jala adong pos ni roha na manghorhon isarana molo tapatupa nauli tu dongan sahali secara langsung boi do tajalo pitu hali ulina sian Jahowa, tarpatudos hita do i tu Psalmen 34 : 9 - 10 tung so jadi do hurangan na manghaholongi Jahowa, sian dia ma i idaon molo tangkas do tahaholongi donganta.
Antong boha do bahenonta asa unang gotap parsaoranta di ngoluon, holan sada do, tapatangkas ma di ngolunta molo tung adong pe silehonlehon ni Debata di ngolunta on arta, hasangapon, pangkat, hatoropon dohot angka na asing tapatupa ma i laho padengganhon parsaoranta dohot Debata nang tu dongan jolma, ai molo adong pe basabasa ni Tuhan tajalo, taingot ma salpu do i saluhutna marsogot, holan sada do na hot ima Hata ni Tuhanta di Johannes 14 : 1 – 4 adong bagas nauli pinaradeNa. Boha dohot do hita disi….?. Amen.
Jadi mamereng natorop i, asi ma rohana, ai maheu jala marhinamago do nasida diida songon birubiru na so marparmahan.
TURPUK : MATEUS 9 : 36
HATORANGAN :
Jotjot do godang pangantusion taringot tu Uluan, natape taboto do pangantusionna ima pimpinan. Dua ragam ni panghatindanghonon di ngolunta secara badani dohot Rohani. Maheu panghilalaan ni jolma i ala so adong be sipeoponnna manang sihirimonna di portibi on gabe tarboan tu lomo na sambing. Ujungna mate ma ndang binoto manang na tudia do tujuan ni ngoluna.
Turpuk on patangkashon ndang na holan uju i Tuhan Jesus marasi roha dohot do sinuaeng on, diangka pangalaho ni jolma na so adong pangkirimonna. Boha do ngolunta sinuaeng boi do tangkas mangolu dibagasan Tuhan ala margogo tondi ni Tuhan na pinasahatNa i di hita manguluhon ngolunta siganup ari, gabe i manguluhon ngolunta, ndang gabe tondi ni haportibi on manang pardangingonta na olo busuk on gabe pangamudi di angka ulaon.
Tarida do tangkas mangolu tondi ni Debata na dibagasan hita ai molo na hona samun do na ta pangan i sai mabiar do hita, ndang hea sonang rohanta disi, nata pe soadong jolma mamboto alani aha ala tagabusi tondi i. Ndang boi hita manggabusi tondi i. Antong tajamothon ma dirinta asa tapaholang angka haramunon i asa lam tangkas daionta basa-basa ni Debata dingolunta, na manetek si saotik do na tumonggi sian godang alai mardongan biar. Sisaotik i do pasupasu ni Tuhan. Amen
Ai marpangulahi muse roha ni Jahowa dibahen angguhangguknasida maradophon angka na mangarupa dohot na manosak nasida.
TURPUK : PANGUHUM 2 : 18 B
HATORANGAN :
Masa do demonstrasi taringot tu Provinsi Tapanuli, sian na so tahalomohon, monding do ketua DPRDSU, alai molo tabege sian sejarah ni Provinsi Tapanuli, sasintongna nunga mulai mangandungi hita ditaon 1987 na salpu i, sai tadok do tapanuli songon peta kemiskinan ni warga ala dao angka pembangunan molo tabandinghon dohot luat na asing rupani. Diusahahon angka parpande bisuk ni bangso Batak do asa gol usulan ni sahat ro dipengesahan, sian na so tinagam mintor masa ma lalo bolon disandok Tapanuli, gabe sanga ma i sumurut.
Mamungka taon 2000 mulai ma muse angka hamaolon, diujungna masa insiden Protap, mangandungi hita masyarakat, mangandungi nang donganta na di penjara, bahkan gabe sai hira adong do hamaolon na mamaksa gabe sai hira ulaonna na mansai dokdok ulaon i, ai gabe hira di sangaja do gabe ingkon batalhonon Protap dohot alasan na so jelas. Gabe adong ma di na deba tubu biar alai las gumodang do tubu angka habaranion marhite tangiang, aksi, dohot kunjungan tu penjara pataridahon memang naung leleng taandunghon taparungkilhon. Alani gambaran ni ngolunta ma i tapatupa, na mansai godang do angka pangambati, na naeng mangago hita diangka andungta i, na tahirim ai i do perjuanganta diportibi on, pasauthon ni Debata do i. Boha do hita nuaeng, tapareso ma jo ngolunta atik naung songon i do ngolunta, dibagasta, diangka aktivitasta. Gabe jotjot hita maranganangan, ndang boi sonang modom, ndang langku marsipanganon, sude jolma tabereng sala, ndang adong diportibi on na ture.
Paresohon na martondi dope ngolu holan tu Tuhan do, ndang boi tu Psikiater, Dokter dohot na asing. Molo naung madabu hita tusi, tontu dohononta ma: Tuhan urupi au, asa hata ni Tuhan ma sulu ni ngolunta asa margogo muse tondi ni Debata dibagasan hita. Amen
Alai diurupi Debata do ahu ro di sadari on, umbahen na jongjong dope ahu manjamitai angka na metmet dohot na magodang
TURPUK : ULAON NI APOSTEL 26 : 22 A
HATORANGAN :
Sampai saat ini, hati terasa pilu kalau kita menonton pertandingan sepak bola di Indonesia. Hampir disetiap pertandingan selalu kerusuhan karena ada saja yang curang. Indonesia tidak pernah belajar dari kegagalan. Bagaimana bisa masuk Piala Dunia, melawan Vietnam saja kalah. “Lebih baik gagal secara terhormat daripada sukses dengan kecurangan”, walaupun banyak gagal, kita harus banyak belajar dari kegagalan-kegagalan itu untuk semakin tabah. Dan yakinlah bahwa orang yang sukses adalah orang yang sebelumnya telah melewati kegagalan. Jadi kesuksesan kita adalah bagaimana kita belajar dan bangkit dari kegagalan itu. Tuhan adalah kekuatan dan perisai kita.
Songon i ma nang pangalaho ni angka apostel ni Tuhan Jesus mulamula i tarlumobi Apostel Paulus, hatiha mangundukhon panjouon dohot pamillitonna sian Tuhan Jesus i. Alani marhitehite turpuk na sahat tu hita sadari on boi tabereng on ma sada joujou tu hita na na mansai lambok manjou hita. Jala marhitehite panjouon on di igil ma alus dohot sikap na mansai tangkas sian hita. Asa, laos bagas do nanaeng dohonon ni pandohan on. Naeng ma nian hita angka ianakhonNa mangolu na marpangun sandean holan tu Debata. Jala haradeonta ro tu Debata, I do dalan nasida taruli di haluaon. Porsea ma hita dang hea Tuhan i mangalehon sada janji na mambahen susah jolma i. Jala ingkon ta ingot ma di tingki tapangido hagogon sian Tuhan Debata dang na hagogoon dilehon, alai pencobaan na boi mambahen hita gogo, manang tapangido hahipason manang hapistaran ndang na hahipason i na di lehon alai cara asa hipas dohot cara asa pistar. Marhite hite turpuk on tapasahat ma dirinta Tu Tuhan i asa boi hita mangolu di bagasan dame na sian Ibana. Amen
Sai marlas ni roha ma sude angka na marhaposan tu Ho, sai marendei ma nasida ro di salelenglelengna ala ni ondinganmu nasida, sai marolopolop ma mida Ho angka na holong roha di goarmu.
TURPUK : PSALM 5 : 12
HATORANGAN :
Hamu angka dongan saahaporseaon…..di tingki hami manurathon renungan on, adong ma sada acara na hutonton di sada tv swasta. Taringot tu sada penemuan na terpenting di dunia, na mambahen tempat pertemuan di St Louis bergemuruh, ala ribuan halak bersoraksorai, bertepuk tangan dohot bersuka ria. Alai na so boi hupingkiri boasa jolma saonari ndang olo be bersukaria manang mangolu di bagasan ngolu na marpangkirimon tu Tuhan Yesus Kristus atik pe nunga diboto ibana Yesus Kristus nunga mengalehon sesuatu na jauh umbalga sian aha na di bahen angka jolma na adong di portibi on. Ima “olo mate Ibana asa malua hita sian dosanta dohot mangolu sian hamatean, na menjamin keselamatan ni angka na porsea tu Ibana. Alai godangan do sian hita on na so olo be marlas ni roha laho pasangaphon Tuhan i marhite-hite pamujion dohot pasangaphon goarNa na badia i di bagasan parngoluanna. Jala godangan do saonari jolma laho tu Gareja ndang dibagasan roha na marlas ni roha, bahkan adong do na di bagasan roha si bolison ndang dianggap ibana be adong Tuhan i di parpunguan i.
Hamu angka dongan sahaporseaon…. Marhitehite turpuk on boi tabereng molo tapasahat ngolunta tu Tuhan i, tanpa rasa ragu, sai di bagasan las ni roha do parngoluanta. Ndang adong be na mambahen marsak ni roha. Ala ni ma pasahat ma dirim tu Tuhan i asa di pasonang ngolum. Porsea ma. Amen
TURPUK : ROM 11 : 36
Ai sian Ibana do saluhutna ro, marhitehite Ibana jala marhapatean tu Ibana do sasudena i! Di Ibana ma hasangapon salelenglelengna! Amen.
HATORANGAN :
Hamu angka dongan sahaporseaon…..hea ma hami mangkatai tu sahalak na mora hian. Di dok ibana hamoraonna i holan ala ni hamaloonna dohot hajagoanna. Di tantang ibana do hami didok ibana ”Jou ma Tuhanmi asa dilehon hamoraon, jala pangido ma sian ahu hepeng, ise do na mangalehon ahu do manang Tuhan i? Ndang porsea ahu adong Kristus Jesus na mangurupi jolma, ahu do na boi mangurupi jolam i!”. Toho do memang sadari i boi ibana mangkatahi, alai piga tahun nari mengalami kebangkrutan ma ibana, 2 kapal nelayan nasida tenggalam di laut, 1 vila nasida di puncak hangus tarbangkar, dohot saham nasida na adong di salah satu bang swasta raib di boan pimpinan bank i, gabe pogos ma ngoluna ndang boi be ginjang rohana.
Hamu angka dongan, godang dope songon i ngolu di jolma i, ndang disadari ibana sian dia do haroroan hamoraon, hapistaran, hahipason na adong di ibana. Didok do di turpuk sadari on sian Tuhanta do i, jala marhitehite Ibana do boi hita mamangkei. Alani tapasangap ma Tuhan i marhitehite na tajalo i. Ingkon taingotma holan na maminjam do hita sian Tuhan i. songon adong sada hata ni halak na pistar mandok “Setiap orang di dunia ini adalah seorang tamu, dan uangnya adalah pinjaman. Tamu itu pastilah akan pergi, cepat atau lambat, dan pinjaman itu haruslah dikembalikan” Amen
HATORANGAN :
Parsaoran na ronsot raphon Debata ndang holan mamboan hita tu bagasan ngolu na marlas ni roha, laos taruli do hita di panganntusion dohot panandaion na tangkas di angka pasupasu pardagingon dohot partondion na tajalo jala manogu hita ‘mandok mauliate’. Hamauliateon ni angka na porsea i dipasahat dibagasan nasa angka masa di ngoluna i. Molo didok:” Mandok mauliate ma hamu siala saluhutna”, tontu halak Kristen ndang mandok mauliate molo jumpa angka hajahaton, tagan hurangan bohal ni ngolu /anturaparon nang molo adong na mangambat pardalan ni hasintongan dohot hatigoran na binoan ni Barita Nauli. Na tahamauliateon di tonga ni na masa di ngolunta i ima asi ni roha, holong nang hadameon naung pinahot ni Tuhan Jesus masa di tonga ni ngolunta na so boi rampasan ni portibi on. Halak Kristen mandok mauliate di saluhutna dibagasan Jesus Kristus naung patauhon hita mangulahon na pinangido ni Debata, di tonga ni angka na masa di pardalanan ni ngolunta on.
Di tonga ni partingkianta nuaeng tama do nang hita mandok mauliate, ala tongtong do Tuhan i patauhon hita mardalan so ingkon gabe sauduran dohot angka na mangulahon hajahaton. Atik pe sai sonson angka na mangambat dalan ni Barita Nauli, sai dipargogoi do hita marhite Tondi Parbadia. Loas ma ngolumi gabe dalan ni Tuhanta pasahathon pasupasuNa di tonga ni na humaliang ni ngolum i. Amen
TURPUK : PSALM 85 : 8
Sai pataridahon ma tu hami, ale Jahowa, asi ni roham, jala lehon ma tu hami hatuaonmu!
HATORANGAN :
“Idaida do songon na butong, jorajora songon na male” sada pandohan na sai dihatahon tu sada halak na hatagian ro ala sai dapotan jala jumpang na hinalomohonna. Panindangion ni angka anakhon ni si Kora marhite ende na pinatubegehon nasida di tonga ni Bagas Joro na di Jerusalem manggombarhon pengalaman nasida na sai dapotan pasupasu do angka na sai ro tu adopan Jahowa. Pambahenan ni Jahowa nunga dihilalahon angka ompu nasida i sian na robi dope, ima uju di ngolu ni si Jakob, ompu / ama na umpompar nasida. Alani gabe sai hatagian ro mangido, jala holan sian Jahowa sandiri do boi singkop dijalo nasida. Marhitehite ende i taida ma gomos ni roha nasida mangido asi ni roha dohot hatuaon sian adopan ni Jahowa. Asi ni roha dohot hatuaon (keselamatan) sian Jahowa sambaing do dipangasahon bangsoi di ngolu nasida.
Di pardalan ni ngolunta on, naeng torang botoonta ganup marsadasada: “sian dia jala ise do na sumarihon ngolunta ariari”. Marragam alus na boi dohononta, hombar tu pengalamanta be. Alai songon bangso naung manjalo pandidion dibagasan Goar ni Tuhan Jesus, ingkon marsiajar manangihon jala marningot paboa holan asi ni roha ni Debata do na paloashon hita gabe sada bangso na manjalo pasupasu di ganup partigkian dohot angka inganan na ta ingani. Sialani, ingkon radotanta ma parsaoran na ronsot jala mangaloas Hata ni Debata sambaing manuturi hita lao mangantusi pasupasu na songon dia do naung tajalo di tonga ni ngolunta. Amen
TURPUK : PARJAMITA 7 : 14
Marlas ni roha ma ho jumpa di ari na denggan, jala pasuang roham tu bagasan uju di ari hinamago, ai rap ditongos Debata do duansa, asa unang jumpang jolma i manang aha na masa dung salpu ibana.
HATORANGAN :
Parjamita di turpuk on paandarhon habisuhon taringot tu ngolu on, na ingkon marnida nasa na masa dohot sintong, paboa ia angka hamaolon, las ni roha, arsak ni roha, hamatean dohot ngoluon na dilehon Debata do i tu ganup na mangolu. Naeng berengonta saluhutna i dibagasan hasadaon, unang sirang alai na marbuhubuhu be. Ai ndang adong ngulo holan dibagasan las ni roha, manang holan na marsak; sian tingki pe, ndang holan mian di ari na holom manang holan di na tiur sajo. Mardalan do ngolunta i sian sada titik ni tingki sahat tu ujung ni tingki tu ganup hita manang tu ujung ni saluhut. Di pardalan i ma masa diloas Debata angka na denggan dohot ari hinamago di ngolu ni jolma i. Na gabe siparhusarhononta ima, habisuhon ni Debata naeng jangkononta mangantusi dohot mamangke nasa tingki i dohot sadengganna, jala di angka partingkian dilehon Debata marombasombas angka na masa i. Asa na ringkot binsan dilehon Debata ngolu on tu ganup hita, naeng pangkeonta I hombar tu lomo ni rohaNa. Naeng daionta saluhut pambahenan ni Debata tu ganup hita marsadasada, laos boi hita mansagihon na denggan dohot las ni rohanta i di tingki halehetanna nang tu angka na humaliang hita. Amen
TURPUK : PSALM 17 : 8
Sai ramoti ma ahu, songon anak ni mata, sai ondingi ma ahu di linggoman ni angka habongmi.
HATORANGAN :
Orang Indonesia dari berbagai pulau bahkan orang asing dari berbagai Negara datang setiap saat dan berulang-ulang ke Pulau Bali tidak lain untuk melihat dan menikmati keindahan alam dan budaya Bali. Di mana-mana sekarang mahasiswa Demo dan mogok makan menutut kebenaran dan banyak orang yang menjenguk keluarga, sahabatnya ke Rumah Sakit karena mereka mengasihinya. Harus kita sadari bahwa setiap keindahan ada mata yang melihatnya, setiap kebenaran ada telinga yang mendengarnya, setiap kasih sayang ada hati yang menerimanya. Jadilah indah, lakukan kebenaran dan miliki kasih.
Jala marhite turpuk on naeng tangkas okuhononta pa-ngaramotion ni Debata gabe jaminan di angka na porsea. Ima na mangalehon gogo dohot pos ni roha paboa dibagasan Ibana tung so margogo do angka pangago. Ai dibagasan Ibana na manontong i ndang adong na boi mangatasi. Alani pasahat ma ngolum, ndada holan haulion ni pamerengon, tu Tuhan Jesus ganup ari, ganup tingki ai holan dibagasan Ibana do hita gabe margogo jala marpos ni roha mandok raphon Ibana sai hamonangan do jaloonta. “Marhaposan tu Jahowa ma ho sian nasa roham jala unang marpangunsandean ho tu pingkiranmu sandiri (Poda 3 : 5). Amen
TURPUK : 2 TIMOTIUS 2 : 15
Haringgashon patuduhon haburjuonmi di Debata, songon pangula na so tarila, na padalanhon hata hasintongan i tigortigor.
HATORANGAN :
Kebanyakan dari kita menyimpan sedikit kebencian yang mungkin merupakan hasil perselisihan, kesalahpahaman, atau beberapa kejadian menyakitkan lainnya. Dengan keras kepala, kita menunggu orang lain menghampiri kita. Namun yang dituntut bagaimana kita mendahului untuk pertama memaafkan. Percayalah bahwa itulah satu-satunya cara agar kita dapat memaafkan, membangun kembali persahabatan atau hubungan kekeluargaan. Kapan pun kita terus bertahan pada kemarahan kita mengubah masalah kecil menjadi masalah besar dalam pikiran. Kita mulai mempercayai bahwa kedudukan kita lebih penting daripada kebahagiaan kita.
Memahami orang lain dan mampu menerima kelemahan orang lain adalah tindakan nyata dari ungkapan kasih yang sempurna. Tetapi dengan tetap meyakini kita juga memiliki kelebihan dari orang lain. Pengakuan dan penyadaran tersebut tidaklah mungkin dapat diwujudkan apabila tidak meyakini talenta yang telah diberikan Tuhan kepada setiap orang percaya. Sehingga kehendak Allah yang menuntut umatNya manjadi saksiNya ditengah dunia ini, tentunya akan memuliakan NamaNya yang agung itu. “Usahakanlah supaya engkau layak di hadapan Allah sebagai seorang pekerja yang tidak usah malu, yang berterus terang memberitakan perkataan kebenaran itu”. Amen.
Unang ma hu roha ni halak mida ho siala haposoonmi; alai gabe tiruan ni angka na porsea ma ho di pangkataion, di parange, di holong ni roha, di haporseaon, nang di hatomanon.
TURPUK : 1 TIMOTEUS 4 : 12
HATORANGAN :
Belajar itu tidak pernah berhenti, tua tidak menjadi ukuran kepintaran. Justru anak-anak muda sekarang yang mampu menciptakan dan melakukan hal-hal baru, tidak hanya mengulangi apa yang telah dilakukan orang-orang, menjadi manusia yang kreatif dan memilki daya cipta. Bukan generasi muda namanya jika kita hanya melakukan apa yang kita ketahui bisa lakukan, kita tidak akan pernah bias melakukan sesuatu yang lebih. Jangan takut gagal dan membuat kesalahan, namun pastikan kita tidak membuat kesalahan yang sama untuk kedua kalinya. Itulah kenapa Bangsa dan Gereja berharap banyak kepada generasi muda untuk terus semangat dan berjuang. Karena perubahan itu di tangan generasi muda.
Marhite turpuk on, naeng tangkas botoonta tingkat kematangan pelayanan, ndada holan diukur marhite umur, alai hatauonna ala olo gabe tiruan, i do na ummarga di Debata. Boha do asa gabe tiruan? Alusna na pasti i ma rade hita gohan ni Debata marhite hataNa na badia i, jala rade hita patujolohon lomo ni roha ni Debata na marsuru hita asa lomo ni rohanta sandiri. Gabe tiruan ma hita, ala Jesus pe nunga dilehon Ibana tiruan di hita asa taihuthon i jala taulahon hataNa i. Amen
Hamu do sira ni tano on! Alai molo tung gabe hambar sira i, aha ma bahenon paansimhon? Nda tung na hasea be i; sibolongkononhon nama tu balian, asa didegei halak
TURPUK : MATEUS 5 : 13
HATORANGAN :
“Di Pardompahan do Sira ni Sipanganon”. Erget do nian pandohan i atehe? Boha do sira ni sipanganon di pardompahan. Asa sega do pardompahan i, manang na jolo didaishon do sira i tu pardompahan baru tung pe tu sipanganon? Ndang! Dung i muse, molo marpesta (ulaon na metmet nang na balga), dung rade sipanganon, martangiang ma, baru laho mangan sai didok do, “baen hamu sirana i”, ninna. Sai hira na so adong dope sira ni sipanganon i. Hape mardalan ma hasuhuton marhaliang, huhut mandok, ‘godang pangan hamu jala butong hamu amang/ inang”. Jadi ndang sira NaCl, nidokna dison, alai hinatabo ni sipanganon pinarade ni na manamue i do. Molo gabe tinamue hita tu sada keluarga, manigor hobas jala minar bohi ni parjabu, jala dipatama marsipanganon, huhut sai minar bohi ni parjabu, lumobi inantai, tung mansai las do roha ni tamuei. Ndang pe so apala godang manang ndang pola arga nian sipanganon i, alai ala minar bohi ni parjabu i, tung mansai sonang do roha ni tamue i. Sabalikna, molo murhing do bohi ni parjabu i, lumobi muse inanta i, sai hira na so rohana manghobasi sipanganon i, tung pe godang jala arga sipanganon pinarade i, ndang sonang roha ni tamue i. Tu na songonon do marlangku pandohan i. Molo lambok pangkataionna, minar ni bohi, hiras ni rohana na manamuei, pas ma sira ni sipanganon i. Tabo panghilalaan. Alai molo ndang minar bohina, sai naeng hurang hatop iba manadingkon jabuna i. Ndang sonang roha. Jadi hata na lambok songon hasuhuton nangkin do na hinalomoon ni Tuhanta sian halak na marholong ni roha songon Kristus na marholong ni roha. molo boi tarida dipardompahanta “sira” ni sipanganon, i ma patuduhon halak na boi mangarajai diri, boi mamangke angka pandohan na patut. Ndang asal dipandok hatana, jala holan ibana manghatai, alai diloas do donganna manghatai. Marhite na lambok hata, rimas ni halak pe boi do mombun songon pandok ni Raja Salomo di buku Poda (15:1) i, alai sabalikna, ninna ibana, molo koraskoras do hata, molo so maraleale do bahi di tingki manghatai, tontu pahehe rimas do i. Lambok ni hata, ndang hagaleon i. Nang pe sai na deba mandok songon i. Alai sada sian parbue ni Tondi Parbadia na boi idaon jala hilalaon ni dongan na di lambung niba, “halambohon” do. Alani i, naeng do lam marsitutu hita be patuduhon halambohon ni roha dohot pangkataion i, ai marhite i do lam tangkas dihilala dongan parbue ni Tondi i marhite hita, ala hita do sira ni portibion. Amen
Manang ise na mangkombar halak na bisuk, gabe marbisuk do, alai manang ise na sauduran dohot halak na oto, manjadi jahat do.
TURPUK : PODA 13 : 20
HATORANGAN :
Dipapujipuji halak do angka na bisuk na diportibi on, pola di goari nasida ahli, pakar, pengamat. Boasa songon i? Ala tarida do tutu angka hamajuon na binahenna, gabe boi tarida angka na so hea tarida, masa angka na so hea masa. Ala ni i, sai dipangasahon do angka na bisuk disandok parngoluan on. Tarbarita do angka goarna dohot angka pambahenanna. Alai asa singkop habisuhon i, ingkon do tarida di ngolu ni angka na bisuk habontoron, hadameon, halambohon, pangoloi, gok asi ni roha dohot parbue hadengganon, dao sian hagangguon nang pangansion. Marhite i ma tarida hasintongan na bisuk, molo ndang disi ngoluna, na bisuk ni portibi on do i. Na bisuk ni portibi on, haotoon do i diadopan ni Debata. Boi do bisuk jolma, alai tubu ginjang ni roha, ndang adong dame, ndang sangkap pangoluhon rohana, ndang mangurupi, ndang mambahen si las ni roha di dongan, baliksa gabe mamboan hasusaan do habisuhonna. Molo tapamanat di tongatonga ni bangsonta, torop do angka na bisuk. Alai taida ma pangalahona, gabe habisuhon na i do mamboan tu hasesega. Manghatai do taringot tu hinaroa ni na korupsi, disoarahon do anti korupsi ibana. Alai dipudian ni ari muse tardapot ibana korupsi, jolma parjahat do ibana, dipambuat do naso bagianna, dipaotooto do halak asa lam tamba artana. Lam martamba do halak na marsitaonon ala ni pangalaho ni angka na bisuk. Sega do tombak, sega do udara, sega do suansuanan, sega do tano, ala ni usaha ni angka na bisuk. Gabe tarida ma habisuhon i na sian portibion do. Na denggan do molo marbisuk jolma i, alai ingkon tangkas hataridaanna. Asa tingkos habisuhon i, ingkon ma di bagasan haporseaon na togu tu Tuhan Jesus, dung i parbuehonon nama ragam angka na denggan di ngoluna. Ala ni manang ise na manghombar halak na bisuk, gabe marbisuk do, alai manang ise na sauduran dohot halak na oto, manjadi jahat do. I do na naeng berengonta sian pandohan ni raja Salomo na bisuk i, na mandok “Asa Tuhori Hamu Hapistaran i”. Amen
Marlas ni roha ma hamu tongtong di bagasan Tuhan i! Huulaki ma mandok: Marlas ni roha ma hamu! Pabotohon hamu ma habasaronmuna tu saluhut halak! Donok do Tuhan i!
TURPUK : PILIPPI 4 : 4 – 5
HATORANGAN :
Marragam do pangidoan na jumpang di ngolu ni jolma. Isara ni ianakhon marsiasingasingi do pangidoan tu natorasna. Suang songoni do nang taringot tu pangidoan ni jolma di tangiangna tu Jesus Tuhanta i, jumpangsa do pangidoan na marragam-ragam hombar tu haringkotanna. Songon jolma na mangolu di angka ragam ni pangalaho na mubauba di portibion, wajar do angka pangidoan i marragam-ragam jala marasing-asingi. Ai i do patuduhon na mamolus hita di angka tingki na mubauba. Alai, boha do taringot tu pangidoan ni Debata sian hita? Ia pangidoan ni Debata sian hita ndada asa tasarihon ngolu-Na, asa tapasuksuk bohal-Na, manang asa ondinganta Ibana. Pangidoan ni Debata sian hita ima, asa marlas ni roha hita. Laos i do na naeng dohonon ni turpuk sadarion tu hita, asa tongtong hita marlas ni roha di bagasan Tuhan I, taolophon jala tahalashon Debata parasi roha i na olo marpangulahi roha-Na. Jadi boi ma tadok ndang adong las ni roha na manontong asing ni las roha mida Jahowa. Alani i naeng ma manontong las ni rohanta tu ibana, marhite na tongtong tahalashon manang aha na tu hita. Songon na nidok ni apostel Paulus di bagasan turpuk on ( Filipi 4 : 4 ). Marhite hata i, boi ma tadok ndang adong las ni roha na sumurung asing ni las roha di bagasan Tuhan i, ala ndang adong las ni roha si songon i diportibion. Boha do las ni roha na tahilala nuaeng? Las ni roha parsatongkinan do manang las ni roha na sian Tuhan i? Ai godang do jolma i las rohana satongkin, sadarion, alai marsogot nunga marsak. Asa disandok ngolunta, ingkon gabe las ni roha, unang gabe arsak ni roha na taulahon di ngolunta. Alana molo las do rohanta di ngolu on, ganjang ma umurta. hipashipas ma nang dagingta, jala ndang mabiar be mida sude angka na masa di portibion. Ai taboto manumpak tu na denggan do sude angka na masa i ( Rom 8 : 28). Molo songon i do haporseaonta, ndang adong pola sisolsolanta jala sude na masa ingkon tadok lomo ni roha ni Tuhan i, laos manumpak tu na denggan do muse, nang pe suhar tu roha di mula na i. sandok mulai sadarion, ingkon tahalashon ma na masa tu hita, ala Tuhan I do mambahen i hombar tu tingkina be! Pos rohanta donok do Ibana mangurupi hita, pos rohanta disarihon do ngolunta. Amen
Sai tangihon ma hata sipaingot jala jangkon pangajaran, asa gabe pistar ho di hasusuda ni bohalmu. Pasimpar do sangkapsangkap di bagasan roha ni baoa, alai sangkap ni Jahowa do na marsihohot.
TURPUK : PODA 19 : 20 – 21
HATORANGAN :
Sai denggan do ngolu ni jolma na pangoloi di ajar dohot poda na denggan, taruli pasupasu dohot las ni roha di ujungna. I do umbahen na diapoi jala dipangiot Raja Salomo marhite turpuk on hita tarlumobi sundut na umposo asa diragahon pangajarion dohot sipaingot di ngoluna. Ai mamboan hatuaon do i di ngolu ni halak na manjanghon dohot na mangauhonsa di ngoluna.
Godang do jolma na so denggan ngoluna dohot masa depanna, ala so dijangkon dohot diauhon pangajarion dohot sipaingot na denggan na sahat tu ibana. Gabe manolsoli di pudian ni ari. I do asa didok umpasa ni halak Batak: ‘Tinampul bulung sihupi, pinarsaong bulung siala; unang sumolsol di pudi, sipangiot soada mara’. Pandohan i naeng mamodahon tu hita, asa taargahon ma nasa poda dohot sipangiot na denggan, sebelum masa angka na masa di ngolunta na gabe panegai di ngolu dipudian ni ari.
Asa sipaingot do on nang di tanggung jawab ni natoras di tongatonga ni keluarga, asa manjamothon ngolu ni angka sundut na umposo marhite na mamodahon tu nasida poda dohot ajar na sian Debata. Asa ima na tongtong mangajari dohot na mangarahon nasida mangolu hombar tu lomo ni roha ni Debata. Asa sai sangkap ni Debata ma na saut di tongatonga ni ngolunta nang di tongatonga ni keluarganta be. Antong, tapaloas ma Debata mangajari hita ganup, asa saut sangkap ni Debata marhite ngolunta. Amen.
Unang hamu lilu! Mago do adat na denggan anggo hinombar na roa! Patut ma hamu tarjolma unang mardosa; ai adong do deba, na so tumanda Debata. Laho pailahon hamu do hudok i.
TURPUK : 1 KORINT 15 : 33 – 34
HATORANGAN :
Mansai balga do panghorhon ni hinauli ni portibion mangela jolma i, laho mamboan tu hamagoan. Tarlumobi ma di jaman Era-Globalisai nuaeng on na godang manawarhon hinauli ni ngolu na sai hira mangalehon pos ni roha, na boi mangarahon jolma i madabu tu ngolu na so denggan, na padaohon ngolu nang sian Debata.
Apostel paulus mandok; “unang hamu lilu, mago do adat na denggan anggo hinombar na roa” na naeng dohononna disi, asa unang lilu hita hinorhon ni hinauli ni portibi on, tung ingkon padaoon do ngolu sian angka ulaon haholomon. Unang sarombang dohot portibi on, ai hamagoan do ujung ni i. Naeng jamot hita manimbangi angka na denggan sian pengaruh ni hamajuon ni jaman on, ai hira nauli do idaon jala lambok pangkorhonna di ngolu, hape di ujung na mamboan tu hamagoan do.
Alani ingkon do naeng torang rohanta maradophon pangaliluhonon ni hagiot ni portibi on. Holan Debata do na tau haposan di ngolunta, ai so hea tarurak ngolu ni na marhaposan tu Debata. Asa na lilu do ngolu ni jolma molo so adong panandaon na tangkas di Debata, ai holan marhite panandaon na tangkas di Debata do, botoon manimbangi na denggan dohot na roa di ngolu on. Antong, tapajonok ma ngolunta tu Debata, asa dao nasa hajahaton sian ngolunta. Amen
Songon i do nang hamu; molo dung diula hamu saluhut na nidokkonna i tu hamu, dok hamu ma: Naposo na so hasea do hami; intap ulaon na patut do huula hami.
TURPUK : LUKAS 17 : 10
HATORANGAN :
Marragam do jabatan dohot kedudukan na pinasahat manang na hinaporseahon ni Debata ganup jolma. Di tonga ni haragamon i naeng rajuman, paboa na ingkon pertanggung jawabhononta do i tu Debata di ujung ni ngolunta. Di bahen i do, aha pe na gabe jabatan dohot kedudukanta di tonga-tonga ni masyarakat naeng hasabamhononta jala ulahononta i di bagasan unduk dohot serep ni roha songon naposo haposan ni Debata hita.
Torop do jolma nuaeng on na so mangargahon pamilliton dohot panjouon ni Debata di ngoluna, marhite jabatan dohot kedudukan na sahat tu ibana. Manghorhon ma i tu na so mangauhon manang mempedulikan hasil ni ulaonna. Gabe ndang jumpang las ni roha marhite ulaonna. Asa apoapo manang sipaingot do turpuk on tu hita ganup halak Kristen siihuthon Tuhan i. Asa sude do hita targoar naposo ni Debata na manjalo tugas dohot tanggung jawab di ganup panjouonta be, laho patulus sangkap ni Debata marhite angka ulaonta.
Antong, molo sian Debata do tajalo jabatan dohot kedudukanta i, na so tagamon paburnangburnang diri hita di ganup keberhasilanta manang prestasi na ta dapot, alai tongtong do naeng rajumanta paboa na so haru dia do pe na diulahon martimbangkon asi ni roha ni Debata. Tongtong ma tapatutoru dirita di ganup keberhasilan na boi tarpatupa marhite ulaonta, asa Debata ma na marsangap marhite ngolunta. Amen
Ai molo huhatahon barita na uli i, ndang hasurunganku i; utangku hian do i. Marjea do ahu, aut so hubaritahon i!
TURPUK : 1 KORINT 9 : 16
HATORANGAN :
Di panjouon ni sahalak parbarita nauli, adong manang pigapiga ikrar (janji Rasul) na tongtong sai di ingot jala siulahononna. Ima di hak dohot kewajiban dalam mengemban tugas panggilan laho pararathon barita nauli. Tugas dohot tanggung jawab na so boi tartadingkon saleleng mangolu, i ma manghatahon Hata ni Tuhan i tu ganup halak, i do utang sigararon. Nunga dilehon Tuhan i tu naposoNa (Paulus) pamangan dibagasan hasingkopon ni pamatang, i do alat di ibana laho manghatai nang laho pasahathon barita nauli i, i do umbahen dirajumi ibana pamangan i, ndada naeng mauhom manang ndada laho manghatahon hata na so marimpola, alai pangkeon ma i laho pararathon barita nauli.
Dipautang Debata do hita jolma, na singkop dilehon Tuhan i dibagasan kesempurnaan tubuh tanpa ada yang kurang, laho mangula ulaonta secara bertanggung jawab hombar tu hapeahanna, alai na marutang do hita jolma tu Debata naung manompa hita, molo so denggan tapangke hahomion na di hita (tangan, kaki dan mulut) tu hapeahanna, ai gabe suga jala gabe mara do i di hita ditingkina.
Kita punya kaki, tangan, dan mulut adalah untuk bekerja dan bersaksi kepada Kristus, bukan bekerja dan bersaksi kepada iblis. Alani i tapangke ma na adong di hita hombar tu hapeahanna, jala tabaritahon ma barita nauli songon utang di hita ala siseanNa, Amen.
TURPUK : 1 SAMUEL 12 : 23
Ahu pe antong, dao ma i sian ahu, tung mardosa dompak Jahowa, tung mansohot tumangiangkon hamu, sai podahononku do tu hamu dalan na denggan dohot na tigor i.
HATORANGAN :
Doa sering kita katakan sebagai jantung orang Kristen. Jika doa tidak menjadi suatu bagian dari hidup seseorang yang mengatakan diri orang Kristen dan pengikut Kristus, maka seseorang itu telah memutuskan diri dalam kekuatan diri. Rasa bosan dan lelah memang ada dalam diri setiap manusia, tetapi jika itu dihentikan dan diganti dengan kesabaran dan suka cita, berarti ada perubahan hidup baru bagi seseorang. Perubahan itulah yang mau diharapkan Samuel dari setiap orang, berubah dari kejahatan kepada kebaikan, berubah dari kelaliman kepada kebajikan. Jika dalam suatu pertandingan, terjadi perhentian bagi seseorang pelari yang belum sampai kepada pinish, maka dia akan gugur, tetapi jika dia terus berlari tampa mengenal lelah sampai pada pinis, maka dialah pemenangnya. Doa adalah hidup, tetapi jika doa mati, maka hidup seakan mati.
Dalam hidup ini kita diharapkan memenangkan perlombaan yang dari Tuhan, yakni siapa yang mampu bertahan sampai akhir hidupnya dialah yang kuat dan mendapat mahkota. Marilah kita berlomba untuk terus semangat dalam doa dan pengharapan untuk tidak berhenti dan tidak mengenal lelah, selagi kita masih hidup. Jangan pula berhenti dan beralasan untuk mengajarkan apa yang baik dan benar bagi semua orang, terlebih orang jahat agar mereka mengenal jalan kebaikan Tuhan yang memberikan Anak-Nya yang tunggal untuk menebus dosa kita manusia. Seperti kata Samuel dalam nats ini, sepatutnya dia tidak berhenti berdoa kepada bangsa itu, juga untuk mengajarkan apa yang baik dan lurus, agar sinar pagi kembali datang, yakni dengan doa semua dapat menjadi baru yakni perubahan pada kebaikan. Amen.
Parmahan i hamu ma punguan ni Debata na di hamu, unang songon na pinaksa, sian las ni roha ma mangihuthon Debata; unang ala ni pangomoan hailaon, sian ringkot ni roha ma!
TURPUK : 1 PETRUS 5 : 2
HATORANGAN :
Balga situtu do tanggung jawab ni parmahan na marmahani na pinarmahanna, ai ingkon patongononna do i tu jampalan na lomak, tu aek na tio, dohot angka na ringkot di na pinarmahanna. Alai umbalga do tanggung jawab ni parmahan na sian Tuhan i. Molo parmahan na tatanda ima na marmahan dorbia, boi mura do marmahan 100 ekor horbo, alai parmahan na sian Tuhan na naeng mangaramoti punguan ni Debata, 10 halak pe tung maol situtu do paresoon. Ise na mampu gabe parmahan na tongtong sabar jala margogo nang ditingki ro udan dohot las ni ari ima parmahan na burju jala hasian ni tuanna. Tudos tu parmahan na songon i ma nian naeng tarida di halak na mian di Debata, rope galumbang ni parmaraan nang tantangan di angka na masa, molo boi dilalui jala dihadapi, i do dongan ni Debata mangaramoti dohot papunguhon. Boasa maol jumpang parmahan na denggan roha nuaeng on, angka na so tumanda Debata na marsuru ibana do i, jala na so umboto ise ibana di jolo ni Debata. Sude do hita on tarjou gabe simatamatai punguan ni Debata, na so boi mago nanggo sada, alai anggo parmahan na denggan ima holan Tuhanta Jesus do. Antong ia pangula pe hita, mangula ma sian las ni roha, unang adong sian sura paksaan, tahalashon ma songon panjouon ni Tuhan i tu hita, pangula, pandita, ruas, nang panggogomi pe. Amen
Alai Tuhan i do mandongani jala margogoihon ahu, asa tulus parjamitaon i marhite sian ahu, gabe saluhut sipelebegu umbegesa
TURPUK : 2 TIMOTEUS 4 : 17 A
HATORANGAN :
Adong dua na boi berengonta dibagasan turpuk on:
1. Dongan. Ra, nunga sude hita mamboto, manisia i ma makhluk sosial. Ndang boi jolma i sasadasa. Dibagasan Padan Narobi pe nunga tangkas di paboahon marhite 1 Musa, i ma na so boi jolma i punjung sasadasa. Ala ni i do gabe ditompa Debata ma si Hawa, asa adong mitra manang dongan ni si Adam. I do bukti jolma i, i ma makhluk sosial. Di saluhut ulaon ni jolma, porlu do dongan laho bertukar pikiran.
2. Gogo. Sada ciri jolma na kreatif i ma jolma na margogo, ala ndang olo so daging na, molo dilehon sada ulaon di ibana, sai diusahahon ibana do laho pasidunghon ulaon i, intap ni na tolap gogo na. Na marlapatan jolma na margogo “terus berkarya”. Di sada sisi, jolma na margogo i ma jolma na sehat secara jasmani. Molo marsahit jolma i, tontu ingkon istirahat do ibana jala boi sajo holan na peak di dipodoman.
Na dua rumang on do na di papatar Debata dibagasan turpukta sadari on, sada kesaksian na marpardomuan tu ngolu, na paboahon sasintong na, sian Debata do sude, jala Ibana do na mangula dibagasan ngolu ni jolma na porsea tu Ibana. Sian turpukta on boi ma tabereng sada ciri ni jolma na porsea i ma: marpanungkun (mangido) jala tangi holan tu Debata, marhite i sai diulahon jolma na porsea i do hata ni Debata dibagasan ngoluna marhite saluhut ulaonna. Di si do tarida jamita na mangolu, jala ujung ni saluhutna, tarbarita ibana siihuthon Kristus, sahat tu sipelebegu. Amen
Ingot hamu ma angka na manguluhon hamu, na paboahon hata ni Debata tu hamu; ujung ni pardalanannasida ma bereng hamu, jala tiru hamu ma haporseaonnasida!
TURPUK : HEBER 13 : 7
HATORANGAN :
Dua hubungan na timbal balik di paboahon do di turpukta on.
1. Ingot-Paboahon. Ingkon ingoton do saluhut angka boaboa, ido na mambahen hita ndang hatinggalan disaluhut ulaon. Marningot, i ma sada ulaon na menuntut kesadaran, na marlapatan ndang dibagasan nipi hita mangulahon i. Molo ndang sadar hita, boi sajo saluhut na taulahon ndang taingot be. Na pasti, boi do taingot saluhut ulaon manang pandohan ni halak, molo hita na mangulahon jala tu hita pandohan i dihatahon. Taingot pe sudena i, ala bersangkut paut tu dirinta sandiri do.
2. Bereng-Tiru. Mangulahon sada ulaon, maol do molo holan mahitehite hata, jala molo tasuru jolma laho mangulahon na so hea diulahon, tontu bangkol do ibana mangulahon i, molo holan sian hata taajari. Ala ni i dibagasan partingkian saonari, dikembangkon do sada parsiajaran na nigoaran praktek. Sian i do lam mahir sada jolma laho mangguruhon ulaon na so hea diulahon ibana. Tontu bentuk na maniru do diulahon. Songon dia ibana mangulahon ulaon i parjolo sahali, i do na diingot ibana, jala i do na binahenna muse.
Dua hubungan on do na ingkon diulahon saluhut na porsea dibagasan ngoluna, taringot tu hubungan timbal balik na patoluhon, i ma: Hata ni Debata-Haporseaon. Jala ingkon taulahon dibagasan dua tingki na berbeda, i ma: masa lalu (tahap marsiajar; tingki dipaboa hata ni Debata dohot mamereng) dohot masa nuaeng (tahap mangulahon; mangingot jala maniru). I do na mambahen hita sadar dibagasan ngolunta, jala ndang hea lalai, ala dituntut do sian hita i ma aktif di saluhut ngolunta. Amen
Ingkon manetehi nian songon udan sipaingothu, ingkon mabaor nian songon nambur pangkataionku, songon pangonai ni udan nene tu duhutduhut, jala songon pangonai ni simbur tu suansuanan.
TURPUK : 5 MUSA 32 : 2
HATORANGAN :
Ra, hea do tabege pandohan “risirisi hata ni jolma, lamboklambok hata ni begu”. Pandohan on sasintongna naeng mangarahon tu parsiajaran na mansai karas. Jala memang ndang hea tabo molo marsiajar, alai panghorhon na i do na tabo. I do umbahen digombarhon turpukta, songon udan “sipaingot” ni Debata, madabu songon i, jala langsung tahilala.
Asing muse pandohan na mandok “ringgas mambage jala bangkol manghatahon”. Na marlapatan manat hita molo naeng manghatai, “jolo nidilat bibir, asa manghatai” ala memang jotjotan sian hata do gabe sursar sadasada ulaon, sian hata do gabe tubu sogo ni roha, jala sian hata do gabe ndang masipangkulingan, lidah memang tidak bertulang, i do digombarhon di hata Indonesia. Jala digombarhon turpukta do songon nambur “panghataion” ni Debata, manorop jala olo sipata ndang tahilala. Dung pe ngalian jala maraek, baru na sadar hita na hona nambur.
Dua bentuk on do cara ni Debata laho mamanghulingi hita. Jala sasintongna i do na jojot dipangke natuatua laho mangajari dohot mamanghulingi ianakhonna. Alai olo do gabe persoalan molo dipabalik, Molo nanget (lembut) laho mangajari, boi do gabe ndang serius, jala molo karas laho manghatai, boi do gabe sisogo. Molo i do na bahen dingolunta, tontu gabe batu partuktuhan do hita tu donganta.
Dibagasan turpukta sadari on, tangkas do dibahen Debata dua hubungan na sepadan, asa talean rohanta laho marsiajar tu Hata ni Debata, jala lambok parbinegeanta mambege Hata ni Debata. Panghorhon ni i, tontu daya tarik dohot sonang ni roha mian dibagasan ngolunta marhitehite haporseaonta tu Debata. Amen
TURPUK : PODA 30 : 5
Luhut hata ni Debata pita do, tau lombulombu do Ibana di halak angka na marhaposan mida Ibana.
HATORANGAN :
Parbinotoan do mula ni hapistaran, i do umbahen namarlombalomba halak mangalului parbinotoan marhita sian namarsiajar. Marsiajar sian angka sundut na tumua, marsiajar sian pardalanan ni ngolu, lumobi marsiajar di hata ni Debata napatauhon hita jolma laho manjalo hangoluan. Alai dung lam maju parbinotoan ni jolma di tano on, gabe madebadeba do parbinotoan i dipeop hombar tu keahlianna be atik pe ndang dos rumangna dohot godangna, alai na tangkas sian Debata na sasada i do haroroan ni i, ibana do mangalehon i di hita. Di turpukta sadarion didok do “luhut hata ni Debata pita do” namarlapatan tingkos situtu do hata ni Debata nagabe parsiajaran na arga di hita jolma. Patut do ingkon dohononta “aha do naeng bahenonku ?” asa pir ma tondinta jala marsihohot mangaradoti dohot patupahon saluhut patik ni Debata ai saluhutna i do na gabe lombulombu di hita jolma. Antong taingot ma hata ni sada ende na mandok :“ Ber-ilmu tak bermoral; Ber-iman tapi tidak ber-amal” lapatanna ala pita do hata ni Debata tahaposi ma i jala tapatuduhon ma hombar tu pangulaonta, ai i do parbinotoan na ummarga. Amen.
TURPUK : MATEUS 22 : 29
Alai ninna Jesus ma mangalusi nasida: Nalilu do hamu, siala ndang diboto hamu Surat i nang hagogoon ni Debata
HATORANGAN :
Di nasahali disuruh guru sikola minggu ma 8 halak dakdanak sikola minggu mangisi kotak na tartutup naung dipersiaphon dohot isi na naeng sipamasuhonna tu kotak i na manggombarhon hangoluan. Ala adong do sahalak sian dakdanak sikola minggu i na cacat mental didok guru i ma asa unang pala dibahen goarna di kotak i asa unang minder na cacat i. Dung dapot tingkina dibuka ma kotak i sadasada sian na parjolo sahat tu parpudi alai ditingki kotak na patoluhon dibereng ma isi ni kotak i batu ala prasangka ni guru i nampunasa kotak i na cacat mental i gabe di pasip alai jongjong ma sahalak sikola minggu mandok adong do disi hangoluan guru nami ima angka lumutlumut na tubu disekitar ni batu i, suang songon i ma kotak na parpudi ndang adong isina naeng ma diambolongkon guru i, pintor tompu ma mangkatai na cacat mental i mandok: stop ! unang ambolongkon i guru nami ala adong do hangoluan disi gabe tubu ma sungkunsungkun di roha ni guru i alai andorang so disungkun dope dakdanak i nunga jumolo ibana magalusi mandok unang bingung guru i, “kan nga diboto guru nami kuburan ni Jesus pe kosong do laos i do mamboan ngolu naimbaru di hita jolma”. Dison ma hita jotjot mangalapati ngolu ni jolma na tabareng holan sian segi pisik dohot sian parduru sambing hape sasintongna dao sian pamingkirionta i bagas do dilapatibe angka na binegena. Tadok hita na pistar hape umpistar do halakan dibahen i talului ma Debata na manongtong manghasiholi hita dohot naumboto saluhut, jala taingot ma hata na mandok : “lebih baik menyalakan satu lilin daripada mengutuki kegelapan”. Amen.
TURPUK : LUKAS 24 : 45
Jadi dibungkai ma rohanasida, asa diantusi na tarsurat i.
HATORANGAN :
Jotjot do ngolunta on disungguli Tuhan Jesus taringot tu angka na masa sogot marhite angka Buku Nabadia. Siala ni i do dibuhai roha (pikiran) asa lam mangantusi. Boasa ingkon dibuhai Jesus roha ni angka sisean (na porsea) i? Sada na naeng dohonon ni Tuhan Jesus ima : manaon haporsuhon do angka naposo ni Debata, ala di tulak portibi on do barita nauli i. Alai patimbulon ni Debata do nasida sogot songon Ibana na tarhindat tu banuaginjang. Ndada holan mangguruhon dohot marningot alai ingkon dohot do mamangke hata i muse di ulaonna. Laos dison do godangngan hagaleon ni jolma. Di boto do hata ni Debata, alai ndang dihaporseai siala ni ndang dipangke dibagasan ngoluna. Gabe mate ma hata i di rohana. Ditongatonga ni zaman na lumlam do nuaeng huria i marsaor, manindangi dohot manghobasi, lam ragat do dosa dohot rumang ni angka hajahaton, hira so pola diperdulihon jolma be ditingki on ringkot ni hamubaon ni roha gabe terjebak tu gaya hidup dormalistik dohot rutinitas. Marhite ima ro Tuhan Jesus mambuka pintu ni haporseaonta asa lam mangantusi hita disaluhut jala asa unang ganggu di angka pasupasu ni Debata. Amen
Asa dung hehe Ibana sian na mate, diingot angka siseanna ma hata ondeng, gabe porsea ma nasida di hata ni surat i nang di hata na nidok ni Jesus.
TURPUK : JOHANNES 2 : 22
HATORANGAN :
Kebahagian dan sukacita itu selalu ada di sekitar kita bahkan selalu menghampiri kita. Tetapi kita selalu berpikir kebahagiaan itu selalu hal-hal yang besar dan mewah. Kebahagian itu selalu tampak kecil saat kita mendapatkannya, tapi coba biarkan kebahagiaan itu pergi. Saat itulah kita akan merasakan betapa besar dan berharganya kebahagiaan itu. Seperti kebesaran Yesus tidak terlihat ketika dia berdiri dan memberi perintah. Tetapi ketika dia berdiri sama tinggi dengan kita, orang lain dan membantu kita untuk mengeluarkan yang terbaik dari diri kita guna mencapai hidup yang lebih baik.
Manghaporseai Tuhan Jesus dihamamate dohot dihaheheonNa tontu ndang tolap i holan mangasahon utohutok, alai ingkon sian haporseaon na tangkas do. Haporseaon i ma pos ni roha di angka sihirimon, jala pamotoan na tontu taringot tu na so niida (jaha Heber 11 : 1). Na marlapatan hasonangan dohot hademahon, boi tadai nda holan mangantusi dohot mangarajumi saluhutna i sian Debata do sian pangonjar ni haporseaon na tangkas. Haroro ni Jesus tu portibi on, na pasti, naeng tangkas patuduhon haiseon ni Debata Ama i dohot Anak i, na mansai tangkas manghaholongi angka jolma na tinompaNa i. Pois ni roha dohot pamotoan na tontu (dasar dan bukti) do tolap marnida hinauli basa ni Tuhan i. Amen
Huhut ala diboto ho, sian sietehetehonmi dope, surat na badia i, na margogo pabisukkon ho, asa taruli di haluaon marhitehite haporseaon di Kristus Jesus.
TURPUK : 2 TIMOTEUS 3 : 15
HATORANGAN :
Mulai sian hadakdanakonta sai pintor dipatubegehon natoras do goar ni “Jesus” jala dung boi tu parmingguon sikola minggu nunga sai tabege Hata ni Tuhan i, songon i ma tongtong marudut sahat tu na magodang. Aha do gunana? Sada do alus, ima asa patubuhon haporseaonta tu Tuhan i. Mansai bagas do pangantusion molo didok ‘patubuhon’, alani ingkon saurdot do tu pamatang/pikiran na lam berkembang laos songon i ma nang haporseaon pe naeng do lam berkembang (bertumbuh). Ai molo holan pamatang/pingkiran do na berkembang, haporseaon ndang, olo ma jotjotan sai madabu tu bagasan dosa, ala ndang diboto be mamereng huhut mangantusi dia do na denggan dohot na roa. Adong do pandohan ni halak Batak: “Sala mandasor, sega do luhutan” (jika awalnya atau dasarnya salah maka selanjutnya atau akhirnya akan rusak). Jolma sian mulana (sieteetehonna/masa kanak-kanak) ndang jumolo dibohali di Hata ni Tuhan i, ujungna gabe jolma na sai mian dihaholomon, ndang tontu dipardalanan ni ngoluna (hiudpnya tidak terarah).
Hata ni Debata i tung tangkas do mangalehon gogo dan pangurupion di las ni roha tarlumobi di masa ditaonon. Ala laos dibagasan Hata i do jumpang roha dohot pingkiran na marhabisuhon na ujungna tolap mandai ‘haluaon’. Songon na nidok ni Tuhan Jesus “Na tutu situtu do na hudok on tu hamu, molo adong na mangaradoti Hatangki, ndang idaon ni i hamatean salelenglelengna (jaha Joh. 8 : 15). Amen.
Ai nasa Surat i, sinihathon ni Debata do; jala hasea mamodai, maminsang, pauliulihon, manogunogu di bagasan hatigoran
TURPUK : 2 TIMOTEUS 3 : 16
HATORANGAN :
Tadok do ia Bibel ima buku na badia, ala Debata do nampuna Hata na tarsurat di Bibel i jala hata ni Debata do na gabe penuntun, manogunogu ngolu ni jolma siganupari.
Molo taingot sian “ panompaon “ ni Debata marhite hata do, din a laho pemulihan, pengobatan pe tong do marhite hataNa nang dihorong ni haporseaon, (spiritual), pardongansaripen, parhepengon, pardagingon, parsaoran dohot ulaon social. HataNa i do na gabe dasor, penuntun, sulusulu dingolunta.
Debata ndang na holan mambasabasahon HataNa marisihon habisuhon/parbinotoan, alai dohot do nang dipanandaon ni angka jolma ditanggung jawabna mangula hombar tu hata ni Debata. Molo togu hita di Hata ndang olo be hita diparhatoban sibolis, manang ndang terpengarauh di hinatabo/kenikmatan duniawi jala ndang mura be hita dipalindak lindak, sangkap sangkap, roha diri, pingkiran, suang songoni nang angka dihumaliangta. Molo adong hasalaan ni dinganta tapodai, ta nasehati ma marhite cara nadenggan mardongan halambohon dibagasan holong na sian Tuhan ai hata na lambok do paombun rimas, molo masa do songoni diparsaoranta siganup ari tutu ma hita siulahon hata i jala tercipta ma hadameon dihumaliangta. Ai molo mangolu Hata ni Debata dihadirionta ingkon berusaha dohita mamboan roha/pingkiranta tu nadenggan asa tontong mandok mauliate tu Tuhan i.
Alani lului jala pasolhot ma dirim dirim tu Debata asa jumpangan ho di HataNa na gabe dasor ni haporseaonta tu Debata asa jumpangan alus di sude nataharingkothon, dohot dapotan diangka na tahirim dingolunta. Amen
On ma parjolo boto hamu: Ndang dapot hatorangan ni nasa panurirangon na tarsurat, anggo sian roha ni jolma.
TURPUK : 2 PETRUS 1 : 20
HATORANGAN :
Hata ni Debata do nagabe ojahan/ sulusulu di ngolu ni jolma i. Di 2 Tim 3 : 16 didok do Hata ni Debata naung sinihathon ni Debata hasea mamodai, maminsang, pauli-ulihon, manogu nogu dibagasan hatigoran. Alani angka jolma namanjaha Hata i ingkon do porsea jala mian dibagasan Tuhan i. Alai sai adong do jolma na berusaha manjahai huhut naeng mangantusi lapatan ni angka hata i na holan mangasahon pingkiran/utokhutok manang roha roha sambing ujungna gabe salah pangantusion salah mameakhon dohot mangulahon, tubu ma ajaran/aliran sesat (isarana gereja setan dohot aliran sesat na baru masa di sulawesi selatan ) Na umparir muse na oloi do gabe rintik (bibelon), boasa boi songon i? ala marpangunsandean tu pikiran/utohutok na sandiri. Hape marasing do parbinotoan Ilmu pengetahuan dohot haporseaon (Iman), molo ilmu pengetahuan godang manjahai/mangapil dohot pingkiran lam tamba ma parbinotoan, alai molo haporseaon ingkon godang do manjaha dohot tumangihon Hata ni Debata marhite namangasahon Tondi Parbadia
Denggan do menggumuli Hata ni Tuhan i alai ingkon dibagasan Tondi na sian Tuhan ido. Alani do sai disosohon jala ditogutogu hita asa molo manjaha Bibel hita ingkon jumolo martangiang mangidohon asa Tuhan i na mangalehon gogo dohot huasoNa tu dirinta marhite Tondi porbadiaNa na mrhuaso manogunogu huhut manuturi roha dohot pingkiranta laho mangantusi Hata i hombar tu lomo ni roha ni Tuhan i. Haporseaon na lam togu, laos disi do hita lam umboto jala mangantusi sangkap dohot lomo ni roha ni Tuhan i. Amen
