BARITA PANGULAON

HKBP RESSORT DOLOK NAULI

Juli – Desember 2008

Pinatolhas ni Pdt Lerik Jon Panjaitan, STh

I. PATUJOLO

Pahehe Huria mangihuthon dohot maniruanhon Kristus tung i do tangiang dohot sangkap ni HKBP Ressort Siborongborong, marhitehite program na taputushon di taon 2006, taon 2007 dohot na parpudi di taon 2008 na salpu, ima pajaehon HKBP Ressort Dolok Nauli on. Parbue ni i ma nuaeng na naeng idaonta marhitehite pardalan ni ressort Dolok Nauli on dibagasan 6 (onom) bulan di taon 2008 na salpu songon ressort naimbaru, asa marhite i boi eahanta angka panghobasion na taida jala tahilala ndang tarula hita dope. Alai na umporlu ima asa tung sude do hita manghamauliatehon pandonganion ni Debata na paihutihut pardalan ni huriaNa i, suang songon i hita angka parhalado na ni loasNa manghobasi huriaNa i. Tarlumobi tahamauliatehon ma tu HKBP Ressort Siborongborong na naung paloashon hita laho mekar di bagasan Ressort Naimbaru, ima HKBP Dolok Nauli songon gabe sabungan, HKBP Sigumbang dohot HKBP Sijaba gabe pagaranna. Alai laos marhite on ma tongtong tahamauliatehon panghobasion ni amanami, inanami Panitia Peresmian Ressort HKBP Ressort Dolok Nauli, na naung mangalehon gogo dohot pingkiran asa tulus gabe ressort naimbaru huria on. Atik pe sahat tu ombas on, ndang dibubarhon kepanitian i, ala tung godang dope na hurang lobi sihobason ni Panitia i, dalanta martangiang tu Amanta Debata, asa dibagasan taon 2009 on, singkop saluhutna tapatupa.

Rapot Ressort dohot Ruas ni Rapot Ressort na hinormatan!

Hombar tu Surat Keputusan ni Uluan ni Hurianta HKBP, Ompui Ephorus HKBP, ima SK. No. 419/L08/VII/2008 tanggal 13 Juli 2008 taringot Pangojakhonon HKBP Persiapan Ressort Dolok Nauli gabe ressort na gok na margoar HKBP Ressort Dolok Nauli dohot Surat Ketetapan Uluan ni Hurian HKBP, SK.No. 207/PDT/SK/07/2008 tanggal 09 Juli 2008 taringot Pangojakhonon Pdt. Lerik Jon Panjaitan, STh gabe Pandita Ressort di HKBP Ressort Dolok Nauli, terhitung mulai tanggal 13 Juli 2008, ima gabe ojahan ni hurianta HKBP Ressort Dolok Nauli, manguduti Panghobasioan ni HKBP Ressort Siborongborong di HKBP Dolok Nauli, HKBP Sigumbang dohot HKBP Sijaba di taon 2008 na salpu. Marhite i ma, amanami, inanami saluhutna, dibagasan Barita Pangulaon on, tung sian haposoon nami mangula di HKBP, tarlumobi di tongatonga ni Ressort Naimbaru on, parjolo ma mangido maaf hami di angka hahurangan nami di lobi hurang 6 (onom) bulan on. Jala hombar tu Haputusan ni Rapot Parhalado Persiapan Ressort Dolok Nauli na di tanggal 7 Juli 2008, dipillit do amanami dohot inanami Sintua gabe dongan nami Parhalado Ressort mangula di Ressort on, nasida ima St. P.Lumbantoruan (Sekbend), St. J. Siburian (Ut. Sinode Godang, paniroi Marturia), St. S. Lumbantoruan (Ut. Sinode Distrik, paniroi Diakonia), St. H. Hutasoit (Paniroi Sikola Minggu-Remaja-NHKBP), St. D. Sigalingging (paniroi Ama) dohot St. R. br. Hutasoit (paniroi Ina).

Songon mamonai ulaon panghobasion ni Ressort Naimbaru, tapatupa do Rapot Ressort di taon na salpu tanggal 20 Juli 2008. Jala hombar tu na naung taputushon di rapot i do na naeng pabotohonon nami Barita Pangulaon on. Nuaeng tapaulak rata ma jolo parningotanta di angka haputusanta i, mangurupi hita annon patulushon angka program na naeng putushononta siulaonta di taon 2009 on. Asa unang molo dung tapadalan sai hira na imbaru manang na tompu tapatupa so jolo tataringoti.

Rapot Ressort dohot Ruas ni Rapot Ressort na hinormatan!

Ala tongon di bulan Januari 2009 dope, hatiha patupa Rapot Ressort hita nuaeng, denggan do pasahatonnami hata horashoras sian hami sude Parhalado Ressort dohot inanta, tu hamu sude ruas ni Rapot Ressort on. Selamat Taon Baru ma di hita, jala horas ma di hita saluhutna!

II. ANGKA PANGHOBASION DI RESSORT TAON 2008.

Songon na naung hupabotohon hami di ginjang nangkin, ima pangulaon ni Ressortta dibagasan na 6 (onom) bulan (14 Juli – 31 Desember 2008) i ma na naeng tangkas idaonta di son. Dibagasan 6 bulan i, hombar tu Rapot ni Ressortta, tanggal 20 Juli 2008 na salpu, tapatupa do panghobasion di HKBP Ressort Dolok Nauli on (Pandita, dohot angka amanta/inanta Sintua) marhite ulaon sitolu panjouon ni huria i (marparsaoran, marpanindangion dohot patupahon ulaon asi ni roha), di na 3 (tolu) huria on: HKBP Dolok Nauli, HKBP Sigumbang, dohot HKBP Sijaba, i ma:

1. Parmingguon dohot Partangiangan Lingkungan.

Mangadopi tondi ni zaman na imbaru on naeng do lam tangkas panuanhononta di Hata ni Debata, marhitehite parmingguon dohot partangiangan na pinatupa ni huria. Nunga tingkina lehononta pingkiran dohot dos ni tahinta, boha do bahenonta asa dumenggan parmingguon dohot partangiangonta, isara ni: paragendaon, parendeon, dna. Domu muse ndang dope sude hita tarlumobi ruas ni huria umboto mangendehon ende huria i (Buku Ende dohot Buku Ende Suplemen), gabe sipata ma mareoteot, patimbohu manang matoruhu. Songon i ma molo pinarrohahon angka parmingguan dohot partangianganta. Nian di Rapot Ressort di tingki rampak dope hita di Ressort Siborongborong di taon 2007 dohot 2008 na taon i nunga taputushon asa sude huria patupahon song leader jala marguru ma andorang so jumpa parmingguon, songon i di partangiangan nunga tapados tahinta asa andorang so di mulai partangiangan, denggan do molo taguruhon angka ende na so haru somal dope, songon na paimahon haroro ni ruas. Di pardalanan ni panghobasionta di taon on, holan di HKBP Dolok Nauli dope na pabangkithon song leader, i pe ndang dope tangkas parguruonna marsiajar rap dohot parorgan. Sipingkiranta ma patupa pembinaan parendeon tu Parhalado dohot ruas, mambahen parguruan ni angka song leader di ari na tontu. Molo tahilala naung uli angka parmingguonta na sataon on, mangeahi na dumenggan ma sangkapta umbahen na pinaandar muse taringot tuson. Nunga apala tangkas be nian taputushon patupa partangiangan lingkungan di tolu huria on, alai hurianta HKBP Sijaba, ndang apala tangkas dope dihobasi disi. Alani sitangianghononta ma i, tarlumobi marhite na ma mangke buku partangiangan lingkungan naung tatotophon i, asa tung marguna bahenonta partangiangan on marsaor di bagasan Hata ni Debata, umbege angka pingkiran ni ruas dohot patolhashon angka na masa di huria i. Sipadosonta ma tahinta di rapot on asa tung taparade roster ni partangiangan i sibotoon ni ruas di bona ni taon on, mamereng parpeak ni angka lingkungan i, atik naung matorophu do salingkungan manang madaohu denggan do molo tapahantus muse hinasintong ni torop dohot parpeak ni angka lingkunganta i, suang songon i partorop ni angka amanta sintua di ganup lingkungan. Tung marsitutu ma jolo hita mangalehon pingkiran taringot tu parmingguon dohot partangiangan lingkungan on, anggiat jumpang hita haimbaruon dibagasan taon 2009 on.

2. Pandidion na Badia

Hombar na naung taputushon hian, paboa ingkon tangkas do pangaradeon ni huria taringot tu Pandidion ni angka dakdanak, sude natoras ni dakdanak na naeng tardidi rap ro ma tu parguruan, di ari na tinontuhon ni huria i. Unang ma holan sahalak ro natoras ni dakdanak i, ingkon duansa do (ama dohot ina). Tangkas ma tapaboa tu nasida basabasa ni Debata do dakdanak i tu nasida, na ingkon pagodanggodangonna hombar tu Hata ni Debata. Jala natoras i do na marpadan dohot Debata di pandidion i, ingkon sososanna tu angka parsikkola-mingguan, ajaran dohot podaan nasida di Hata ni Debata, asa dipasomalsomal mangulahon na denggan. Ingkon suruon marsiajar manghatindanghon haporseaon molo dung marumur 14 taon. Asa ndada holan na ringkot dipardagingon sitanggungjawaban ni natoras. Molo adong na mangido pandidion di huria sian ruas ni huria na asing, ingkon jolo tangkas do haruasonna di huriana, marhite na mamboan surat hatorangan parhuriaon. So tung tajalo surat parhuriaon na so tinandatanganan ni Panditana, so tung gabe hita diparkarohon molo so sintong haruasonna. Ndang boi ompungna mamboan dakdanak i tu pandidion na badia, molo naeng tardidi jolo gok ma umurma 14 taon, molo anak na ni ain ingkon jolo adong do surat hatorangan sian catatan sipil, ipe asa tapasahat pandidion na badia. Ndang tapasahat pandidion tu angka ianakhon ni ruas parguru, dung sidung pe parguruan nasida asa tapasahat pandidion na badia tu ianakhon nasida. Pinarata angka on, asa lam tangkas do mangantusi angka na naung taputushon hian. Molo adong ianakhon ni huria naung marumur 2 taon hape ndang tardidi dope ingkon sosoanta do natorasna, ai halembaon dohot halangguson do i di nasida. Tapatupa do ulaon Pandidion Nabadia 2 hali sataon di na tolu huria on dibagasan taon 2008 na salpu, ima di bulan Agustus dohot di bulan Desember.

3. Ulaon na Badia

Tahamauliatehon do ala di taon 2008 na salpu nunga tangkas tahobasi panghobasioan ulaon Nabadia di tolu huria on, holan i ra, di HKBP Sigumbang ndang dope tapatupa, ipe ala ni na dipadomu do 3 ulaon sekaligus di sada minggu i. Nian nunga lam tu toropna ruas ni huria i di angka bagas, asing ni di parmingguon di gereja patupa marulaon nabadia. Alai tung tangkas ma nian, sian roha na mananda diri pardosa na naeng mangido hasesaan sian Debata renta mandohoti ulaon na badia on. Sipata do dirajumi dirina pardosa, hape mabiar manang “ndang tarjolongku” ulaon na badia ninna deba. Alai naeng tangkas asa dung manjalo Ulaon Nabadia, tubu ma haimbaruon di ngolu ganup ari.

4. Manghatindanghon Haporseaon

Tapatupa do di taon na salpu manghatindanghon haporseaon di angka huria na masuk tu ressort on. Adong do i manghatindanghon haporseaon dung jolo marguru istimewa, adong hombar tu jadwal naung sanggam di parade angka uluan ni huria, jala nunga pola 3 hali i tapatupa di tingki Ressort Siborongborong. Alai nang pe naung tapatupa marguru istimewa, sai tong dope adong na manurdukhon tongon laho manghatindanghon haporseaon gabe partuktuhan ma on di angka pangajari dohot na marsiajar. Na lobi umborat dope mansai torop do angka ruas i na patupa manghatindanghon haporseaon ala naeng mangoli dohot marhamulian. Nunga tung tangkas be nian taputushon i di rapot ressort di Ressort Siborongborong, ingkon jolo tangkas ma marsiajar jala di taon 2006, taon 2007 nunga tabahen be dispensasi di sude huria asa patupaonta parguruan istimewa, jala tu angka na di pangarantoan na so boi ro tu na manghatindanghon haporseaon istimewa i, sisosohononta ma asa marsiajar nasida di angka huria di inganan pangarantoanna. Molo tung ingkon di bona pasogit on nasida manghatindanghon haporseaonna diboan ma surat hatorangan naung marsiajar nasida disi. Domu tusi tung tangkas ma on tatangianghon di Rapot Ressort na pinarsangapan on. Nang tu angka anak ni huria na ro sian huria dohot ugamo na asing nunga sinosohon hian asa tangkas taputushon: sadia leleng nasida marguru, angka aha siajarhononta tu nasida, aha na ringkot siparadeon nasida. Niulakhonon asa dos do pangaturhonta, unang masibaenbaenna hita manjalo nasida. Di rapot on ma taparata taringot tuson jala martekad ma jolo hita patupahonsa, asa lam ampit panghobasionta. Jala dung huida hami, hinasungsang ni ulaon manghatinghon haporseaon on, naeng ma jo tabahen batas piga taon patupaon manghatindanghon haporseaon istimewa di ressort on, isarana 1 x 10 taon tapatupa.

4. Pasahathon Pasupasu parbagason

Hira di sude huria na masuk tu panghobasion ni Ressort on do dibagasan taon 2008 na salpu, tahobasi pasahathon pasupasu parbagason. Tahalashon do ala lam tu denggan na do angka pangaradeonta disi, mulai sian na martumpol sahat ro di na mamasumasu, jala tahamauliatehon do ala nunga tumorop angka huria na di ressort on na mamangke buku partumpolon dohot pamasumasuon naung tatotophon di Rapot Ressort na salpu. Nunga hira ris nasida mamboan surat parhuriaonna molo so ruas ni HKBP di Ressort Dolok Nauli nasida. Alai nang pe songon i nunga ingkon lam manat hita nuaeng, unang gabe partuktuhan angka panghobasionta jala gabe sihataan hita, hape burju ni rohanta do na manghobasisa. Lam torop do bilangan ni ruas i na manjalo pasupasu parbagason, hape ...! Sorang dakdanak di na so tingkina. Parungkilonta ma on, jala tahehe i ma ruas i molo boi nian natorasna manang sisolhotna pamanathonsa unang gabe targasip hita, tatangianghon ma so tung laos dohot hita angka parhalado na manabunihonsa. Taparhatopot do maol do anggo tung manulingkiti on sasintongsintong na, alai ala ni tohonanta i do umbahen na ingkon taringotanta on jala masiurupan ma jolo hita mangalehon pingkiranta, asa tung dapot hita bontisbontis ni angka siulaonta. Dungkon ni i, nunga ingkon tangkas parsidohotonta mangantoi pangaradeon ni di paradatan, unang malobihu angka pestanta na boi mamboan hita tu angka parungkilon, umpamana: Asa boi jolo martangiang nian laho marsipanganon, ai anggo dung do tarlambat mangan nunga toropan jolma i mangan so jolo martangiang, unang nian sampe sahat tu na borngin ulaonta i, dohot angka na asing dope. Siurupanta do ruas i asa denggan administrasina lumobi angka goar dohot ari hatutubuna asa mura nasida mangurus Catatan Sipil ni parsaripeon nasida i. Tu tingki na naeng ro nunga ingkon boanon nasida Catatan Sipil Pernikahan laho mandaftarhon ianakhonna tu parsikolaan Sekolah Dasar. Dung onom bulan Ressortta mardalan nunga 32 keluarga naimbaru tahobasi marhite ulaon pasahat pasupasu parbogason.

5. Padalanhon Ruhut Parmahanion dohot Paminsangon

Tangkas do taboto, sada sian tanda ni huria na sintong ima: molo denggan dipadalan Ruhut Parmahanion dohot Paminsangon di huria i. Sangkapna asa lam badia huria i, unang lam mangararati dosa i, alai lumobi asa lam sintong pardalan ni huria dohot ruas ni huria i tu lomo ni roha ni Debata. Tangkas ma taparmahani ruas i, isara ni: na marbagas so sian pangantoion ni huria, lao tu ugamo na asing na so sahaporseaon dohot HKBP, na paulakhon manang na maninggalhon donganna saripe, na sorang dakdanak di na so tingkina, na mangulahon na maralo tu ruhutruhut ni parhuriaon di HKBP. Jala naeng ma tangkas, dung jolo hona ruhut do marhite tingting di tongatonga ni parmingguon asa boi jangkonon mulak tu huria muse hombar tu parleleng ni uhumanna. Mauliate ma di Huria na naung tangkas mangulahon i, alai tu angka huria na so apala haru tangkas dope, denggan ma di taon 2009 on asa tapature i. Jala na jumorbut, tung adong do sian tongatonga ni parhalado rupani na sipata songon na manabunihon sahit ni ruasna. Tajamothon ma pangalaho sisongoni, ai tugasta songon sintua ima laho mamatamatai huhut pajamothonsa.

6. Padengganhon Administrasi ni huria

Nunga nian tangkas adminitrasi ni huria di tolu huria, alai ndang apala tangkas dope pengarsipanna idaon, tarlumobi dipanurathononna dohot parsagina. Isarana adong ma Buku Tingting Na masa dohot Na naeng masa (1); Buku Tingting Parhepengon (1), Buku Panuratan ni Na Sorang (1), Buku Panuratan ni Na Mamonding (1), Buku Panuratan ni Na marbagas (1), Buku Panuratan ni Na Tardidi dohot Na manghatindanghon haporseaon (2), Buku Register Huria (1), Buku Panuratan ni Pelean Taon (1), Buku Parpadanan (1), Buku Kas Huria (1), Buku Kas Pembangunan (1), Buku Kas Pusat (1) dohot Buku Panuratan ni Tamu ni Huria (1). Tamba ni angka buku laporan ulaonulaon na temporer ( marnida haporluanna). Jala sian pamerengan nami di piga bulan on, mauliate ma di HKBP Dolok Nauli, anggo Pengarsipan nunga patupa Buku Ekpedisi Surat Haruar dohot Surat Masuk. Sieahan ma di dua huria nari asa tung tangkas i dihobasi. Tarmasuk ma i, na jotjotan dope Panuratan ni Buku Tingting, asing disurat asing dijahahon. Boi gabe sejarah manang dokumen ni huria do i tu tingki na naeng ro, asa tung gabe tangkas tahobasi.

7. Mangarade angka sarana di huria

Songon parbue ni ulaon Panitia Peresmian ni Ressortta di bulan Juli 2008, nunga be jongjong Kantor Ressort di Lantai Dua ni Gedung Sikola Minggu ni HKBP Dolok Nauli, alai ndang dope boi pangkeonta ala ndang haru singkop dope lantaina dohot mobiler na hinaporluhon ni kantorta i. Tamba ni Jabu Huria na pinasahat ni HKBP Dolok Nauli gabe Jabu ni Pandita Ressort, na di bulan Januari on, nunga otik di rehap dapurna ala saleleng on bocor do molo ro udan, mauliate di Panitia Pembangunan ni HKBP Dolok Nauli. Taigil do asa na hurang singkop sarana na adong di ressortta on, taduketduketi asa boi tulus songon dalanta laho pahinsahon panghobasion ni huria ni Tuhan i di portibi on. Sian pamereng nami angka on ma naeng tangkas tatangianghon di Ressortta on, ima

a. Kelanjutan Pembangunan Bagas Gareja Naimbaru di HKBP Sigumbang. Taarop do masa naimbaru di Proses ni Pembangunan na adong di huria, denggan ma asa dung simpul Rapot Ressort on marhite Rapot Huria di HKBP Sigumbang, tangkas tatangianghon i.

b. Pembangunan ni hurianta HKBP Sijaba tarlumobi bohi ni garejanta i, ala sian pamotoan nami, nunga sipata manampar aek molo ro udan sian jolo ni gareja i, ala sian papan do jala nunga mulai busuk. Marhite Rapot on, naeng tangkas ma jolo tasangkapi patupa Pesta Pembangunan di HKBP Sijaba di bulan Maret 2009 on.

9. Pesta Peresmian Ressort

Songon panghatindanghononta di ginjang nangkin, ima di denggan basa ni Tuhan i di huriaNa na di HKBP Dolok Nauli, HKBP Sigumbang dohot di HKBP Sijaba, marhite na diurupi jala dipargogoi huriaNa mangerbang di portibi on, tarlumobi di na pajongjong sada ressort na imbaru huria na tolu di HKBP. Marlas ni roha do hurianta HKBP Dolok Nauli di tanggal 12 – 13 Juli 2008 ima di Pesta Parolopolopon 55 taon HKBP Dolok Nauli dung ojak di luat Sitampurung on, jala laos di marsogot na i ojak huria on gabe sabungan ni HKBP Ressort Dolok Nauli na pinajae ni HKBP Ressort Siborongborong. Denggan do mardalan ulaon sidua ari i dipatulus Tuhanta, tarlumobi tahamauliatehon ma tu Amanta Debata marhite angka natuatuanta na jolo na mamingkirhon parjongjong ni huria on asa adong ingananta pajumpang dohot Tuhan i. Jala tahamauliatehon ma tu Amanta – Inanta Panitia Parolopolopon dohot Peresmian Ressort Dolok Nauli na kinetuaan ni amanta Op. Rouli Lumbantoruan (A. Undang) na manghobasi sian gogo dohot pingkiran nasida asa tulus jala saut ulaon i. Tung tangkas do sian pandonganion dohot panuturion ni Tuhan i ulaon i mardalan, atik pe ndang apala singkop do pembubaran ni panitia i ala ni angka ronsot ni ulaonta di luat Siborongborong on. Dituktuhi Tuhan i roha ni angka na manghaholongi hita di huria on, dalan nasida rap martangiang dohot hita, marhite angka pangurupion di pingkiran dohot di dana/materi laho patulushon ulaon i, suang songon i angka ianakhon ni huria on na mangalehon roha dohot pingkiran laho manumpahi ulaon i. Marhite na naung gabe ressort huria on, diigil jala dipangido Tuhan i do, asa marhaimbaruon nang angka panghobasion ni hurianta tu angka tingki na naeng ro.

10. Pensiun sian haparhaladoon

Denggan do mardalan ulaon paborhathon angka amanta na pensiun sian haparhaladoon di taon 2008 na salpu. Tapaborhat do 2 halak amanta Sintua na pensiun di HKBP Sigumbang (St. M. Lumbantoruan & St. S. Sihombing) di parmingguan, huhut manghamauliatehon panghobasion nasida marhite angka na mandok hata nauli dohot pasahathon cendara mata sintap ni na tolap sian angka huria haborhatanna. Sinosohon do tu nasida sian haparhaladoon do nasida pensiun, alai anggo hasintuaon i hot do. Asa molo boi dope jala adong angka kesempatan asa sai dohot nasida manghobasi angka ulaon na denggan di huria i.

11. Sinode Godang dohot Sinode Distrik

Songon naung gabe Ressort na gok hurianta, di tanggal 1 – 7 September 2008 tapaborhat do amanta Pandita Ressort rap dohot sahalak Parhalado Ressortta mandohoti Sinode Godang HKBP na dipatupa Seminarium Sipoholon, jala tangkas do dibagasan dame dohot las ni roha hurianta HKBP patupahonsa, tarlumobi manotophon Uluan ni Hurianta tu Periode 2008 – 2012 dung tadohoti Sinode Distrik di Lumban Pisang di bulan Juni 2008 songon dalanta martangiang asa tulus pardalan ni Sinode Godang i. Jala laho manotophon angka sihobason ni sandok hurianta na di panghobasioan ni distrikta HKBP Distrik XVI Humbang Habinsaran, tarlumobi dung niuluhon ni inang Praeses naimbaru, Pdt. Debora Purada Sinaga, MTh, tadohoti do Sinode Distrik na di patupa 30 Nopember – 1 Desember 2008 di HKBP Pulo Sibandang Ressort Muara ima amanta Pandita Ressort dohot 2 halak amanta parhalado ressort utusan Sinode Godang dohot Utusan Sinode Distrik. Denggan jala tulus do Sinode i dihobasi distrikta, na naeng tahobasi di tongatonga ni Ressortta di taon 2009 on.

A. BIDANG KOINONIA

1. Forum Komunikasi Sintua Distrik.

Songon parbue ni Sinode Distrik 2008, tangkas do tadohoti Natal Sintua sa-Distrik na hinobason ni FKSD HKBP Distrik XVI Humbang Habinsaran ima na dipatupa tanggal 28 Desember 2008 di HKBP Siborongborong. Atik pe ndang apala renta dope dohot sude sintuanta sa-ressort on laho mandohotisa. Jala songon parsitutuon ni Sintua na adong di Ressort on, satolop do asa sude masuk gabe anggota ni Forum Sintua Distrik i.

2. Punguan Parhalado Sa-Ressort Dolok Nauli

Hombar tu haputusan ni Rapot Ressort di bona ni panghobasion ni Ressortta (20 Juli 2008), dipajongjong Ressortta do Punguan Parhalado Sa-Ressort Dolok Nauli, songon dalan laho pasolhothon parhahamaranggion ni angka parhalado na adong di Ressort on. Jala nunga be tangkas di pabangkit pengurusna huhut nunga mardalan angka anggaran na naung disepakati di punguan i. Alai sahat tu tingki on, ndang apala renta dope sude dohot masuk parhalado ni hurianta gabe anggotana, tarlumobi sian HKBP Dolok Nauli dohot HKBP Sigumbang. Tatangianghon ma asa dibagasan taon 2009 on, sude ma mandohotisa. Torop ni parhalado sa-ressort on, ima 40 halak sintua naung martohonan, 1 halak Pandita Ressort dohot 1 halak calon sintua. Jala songon parbue ni parpunguan ni Parhalado sa-Ressort Dolok Nauli, tahobasi do Natal Parhalado dohot Keluarga sa-Ressort Dolok Nauli di tanggal 29 Desember 2008 maringanan di HKBP Dolok Nauli. Denggan do mardalan Natal i jala mauliate ma di parhalado HKBP Sijaba ala sian 4 halak nasida, 3 keluarga tangkas do mandohoti ulaon i (atik pe marpesepese dope), tumimbanghon parhalado ni HKBP Dolok Nauli dohot HKBP Sigumbang, ndang boi apala 50 % keluarga ni parhalado bolas mandohotisa. Jala taarop do asa ulaon parpunguan ni parhalado sa-ressort on gabe Program na markesinambungan tu angka taon na mangihut.

3. Sermon Resssort sahali saminggu (1X1 minggu)

Sahat ro tingki on denggan do mardalan sermon saressort Dolok Nauli, sahali saminggu (1X1 minggu) ganup ari Selasa, masuk pukul 16.00 WIB di HKBP Dolok Nauli. Nian anggo 3 bulan dung gabe ressort hurianta, sai tong dope amanta Pandita Ressort na paradehon bahan sermon, alai dung bulan Oktober 2008, nunga satolop na gabe dohot ma Parhalado Ressort na sian partohonan Sintua gabe parade sermon di sermon ressort i marhite roster na nihaluarhon ni amanta Pandita Ressort. Tahamauliatehon do parsitutuon ni angka na mangarade sermon i, alai sipareahanta dope asa angka hatorangan ni sermon i ampit tu angka partingkianta sinuaeng suang songon i pangaradeon ni sude angka na ro tu sermon naeng ma nian ris mamboan Bibel, buku ende dohot catatanna be. Nunga tung tangkas be nian taputushon di Rapot Ressort di tingki sa Ressort dope hita di Ressort Siborongborong, jala i do tong na tauduti, sude ma angka na naeng marjamita di parmingguon hombar tu rosterna be ro marsermon tu Ressort, jala angka parjamita di partangiangan lingkungan didohoti ma sermon di huria. Sermon Ressort Dolok Nauli dipados do dohot tu Sermon Huria HKBP Dolok Nauli laho paradehon angka sihobason di ganup huria di bagasan saminggu tu jolo. Alai tongtong ma tatangianghon, harentaon ni angka amanta/inanta Sintua na ro parsermonan i, ala sipata do ndang apala diharingkothon na marsermon i, boi dohonon 40 % do kehadiran ni parhalado mandohoti parsermonan i, tarlumobi di angka amanami-inanami parhalado ni HKBP Dolok Nauli on. Taarop do asa marhite rapot ressort on, naeng lam tangkas hataanta angka diama terobosan-terobosan baru dalanta laho pahinsathon haringgason mandohoti parsermonan.

4. Sikola Minggu

Sude do hita marnida hinaringkot ni panghobasion tu Sikola Minggu songon sundut na umposo di tongatonga ni huria i. Holan di HKBP Dolok Nauli dope na tangkas marbagi horong di parsingkolamingguan dohot parsermonan ni guru sikola minggu dipatupa, alai anggo di HKBP Sigumbang dohot HKBP Sijaba, ndang apala dihobasi dope, tatangianghon ma. Tahirim do asa lam dumasip panghobasion ni angka guru sikola Minggu dope di taon 2009 on, marhite angka pembinaan ni guru sikola minggu na naeng patupaonta. Jala marhite on asa sude ma hita mangurupi dohot patulushon angka program na naeng sipatupaon dope.

1. Pemuda dohot Remaja

Tahamauliatehon do di na lam dumenggan angka panghobasion di Naposobulung dohot remaja di ressort on, lumobi ma di naung boi nasida patuduhon parhahamaranggion marhite perkunjungan ni NHKBP di tolu huria on, mulai bulan September – Nopember 2008. Jala na naung tangkas nasida sisada tangiang dibagasan Pengurus NHKBP Ressort Dolok Nauli (ketua: Aji Donda Silaban, NHKBP Sijaba) na naung pinabangkit ni ressorta. Tangkas do marparbue i di Perayaan Natal NHKBP sa-Ressort Dolok Nauli na naung tahobasi di tanggal 27 Desember 2008 na salpu di HKBP Dolok Nauli on. Sitingkathononta ma parsidohoton ni Naposobulung dohot remaja di tongatonga ni huria i tu angka tingki na naeng ro, alai mauliate ma parjolo tu amanami, M.Simanungkalit (HKBP Sigumbang), inang R.br. Silitonga dohot inang St.T.br.Silaban (HKBP Dolok Nauli) na mangalehon pingkiran dohot gogo huhut materi laho mendampingi NHKBP ni Ressortta on. Tatangianghon ma asa gabe program na berkelanjutan program ni NHKBP ni Ressortta on.

6. Parompuan

Sihalashononta do parsitutuon ni angka ina manumpahi panghobasion ni huria i, hira ris do di sude huria adong punguan ni angka ina. Sitingkathononta do pahehehon kategorial parompuan di ressortta on di taon 2009 on, tarlumobi disangkapi ressortta do asa dibagasan taon 2009 on gabe taon parheheon Punguan Ina na adong ditongatonga ni ressortta (periode Juli – Nopember 2009).

7. Ama

Sihalashononta do parsitutuon ni angka ama manumpahi panghobasion ni huria i, alai di HKBP Sijaba ndang apala tangkas dope jongjong sada punguan Ama na permanen (menetap). Jala marhite rapot ressort on ma nian tapasungulhon muse pingkiran dohot gogo asa lam hehe punguan ama na adong di ressort on. Tarlumobi disangkapi ressortta do, ditaon 2009 on gabe taon parheheon Ama di angka huria na adong di ressort on (periode Februari – Juni 2009).

B. BIDANG MARTURIA

Ndang apala godang dope na boi patariparon angka panghobasion na marpardomuan tu bidang marturia di HKBP Ressort Dolok Nauli on dibagasan taon 2008. Nian nunga taputushon i, asa adong song leader di ganup parmingguon, alai holan di HKBP Dolok Nauli dope i dipatupa. Dung i paadonghon spanduk taon marturia di taon 2008 na salpu songon tanda na dohot do hita manghalashon Taon Marturia HKBP taon 2008 nunga antar ris nian. Anggiat ma tu tingki na ro lam dumenggan panghobasionta na marpardomuan tu Marturia. Deba sian angka na tahobasi paandaron do dison.

1. Paradehon Buku Ibadah Keluarga

Manghehei roha ni angka rumatangga (keluarga) marsomba jala martangiang tu Debata, tapangido do pangurupion ni angka donganta Tim Ibadah Keluarga na adong di HKBP Distrik II Silindung laho paradehon Buku Ibadah Keluarga on. Ndang sude dope huriahuria naung manghilalahon hinaarga ni buku on. Ala ni sinosoan ma hita saluhutna asa tung marsitutu hita mangurupi angka ruas ni huria i martangiang di bagasna be, dalanta mangurupi i ma marhite na pararathon buku partangiangan i. Tarlumobi nunga diputushon di Sinode Distrikta, anggo taon 2009 on, mulai edisi bulan Februari, parhobas na gok tingki na adong di distrikta nama manurat dohot paadonghon buku Ibadah keluarga i.

2. Paradehon Acara Natal dohot Taon baru keluarga

Di taon 2008 na salpu nunga taparade angka acara di huria: natal huria, ujung taon di ari 31 Desember dohot acara taon baru keluarga sian panghobasion ni Distrikta. Ni hamauliatehon do ala hira sude do angka huria na adong di ressort on patupahonsa. Dalanta do i manogunogu ruas ni huria i laos huhut mangurupi nasida manghamauliatehon denggan basa ni Debata naung jinalona. Anggiat ma marpanumpak i tu hatotoras ni haporseon tu sude ruas ni huria na tahobasi.

3. Sumbangan Organ Gereja

Tahamauliatehon do pangurupion ni Kel. A. Maria Nababan sian Jakarta, ianakhon ni Kel. Op. Tulus Nababan sian Lbn. Nababan - Sigumbang na manumpahi paadonghon organ gareja di HKBP Sigumbang di taon 2009. Ala sai jotjot do pinamanat angka sintua dohot ruas ni hurianta disi, keringatan mamalu poti marende naside saleleng on, anggiat ma lam pahinsathon parmingguon ni hurianta i, tarlumobi di HKBP Sigumbang, asa lam tu denggan na dohot tu majuna tu jolo on.

C. BIDANG DIAKONIA:

Ndang apala godang dope na boi patariparon angka panghobasion na marpardomuan tu bidang marturia di HKBP Ressort Dolok Nauli on dibagasan taon 2008. Anggiat ma tu tingki na ro lam dumenggan panghobasionta na marpardomuan tu Marturia. Deba sian angka na tahobasi paandaron do dison.

1. Peningkatan Kesehatan Masyarakat:

a. Penanggulangan HIV / AIDS

Dibagasan taon 2008 on, tapaborhat do ianakhonta Pengurus NHKBP Ressort Dolok Nauli mandohoti Seminar HIV/AIDS HKBP Distrik XVI Humbang Habinsaran di bulan Desember 2008 na salpu. Di pertemuan i ditotophon do asa tung tangkas angka huria manaringoti hinajorbut ni sahit on jala nunga dipabangkit distrikta KOMITE HIV/AIDS DISTRIK, asa boi mangurupi ruas mencegah dohot mangubati sahit on.

b. Immunisasi tu Anak Balita – Ibu Hamil

Marhite kerjasama na denggan dohot Puskesmas dohot angka inanta Bidan Desa na di tolu huria on, tatingtinghon do parmingguon ari dohot tingki ni hamamasa ni immunisasi na dipatupa di Puskesmas manang balai pengobatan di tolu huria on. Tangkas do hinaporlu ni i idaon ala tung mangurupi situtu do i laho paheheon hinaringkot ni hahipason ni pamatang ni ianakhonta dohot angka inanta. Tatingkathon ma i tu angka tingki na mangikut on.

2. Peningkatan Ekonomi Rakyat – Masyarakat.

a. Pembentukan Kelompok Tani, Koperasi

Marhitehite panghobasion di angka huria nunga tapajongjong angka kelompok tani dohot koperasi di Ressort on jala na rap mangula dohot pamarentanta di tingkat kecamatan dohot tingkat Kabupaten. Di parpunguan ni angka kelompok tani dohot koperasi i deba nunga patupa partangiangan sahali sabulan (1x1 bulan) laos disi do nasida pasahathon angka iuranna be suang songon i manaringoti angka usaha na boi pamajuhon kelompok i. Tatangianghon ma asa lam hehe kelompok tani dohot koperasi na adong di ganup huria, dalanta martangiang tu Debata asa lam dumenggan pandaraman ni ruas ni hurianta.

b. Pembentukan CU dan CUM

Songon tanda ni pangoloionta di panjouon ni Tuhan i laho manghobasi huriaNa, parsidohot do HKBP Ressort Dolok Nauli patulushon angka na pinutushon ni Pimpinan HKBP, laho pahembanghon dohot pahehehon pandaraman ni ruas. Nunga tamulai mangurupi masyarakat marhitehite huria i laho pajongjonghon angka kelompok tani, CU dohot koperasi. Jala tung tangkas do marhite Distrikta di panghobasioan ni CUM Eben Ezer, ris do ganup huria na tolu manabung di CUM ta i, suang songon i nang angka parhalado dohot ruas ni huria na gabe anggotana. Taarop do marhite parsidohotonta di CU dohot CUM i, tarlumobi amanta Pandita Ressorta do nuaeng gabe Manager ni CUM i, dalanta laho mangurupi angka usahanta hombar tu hinaporluhonna. Songon informasi, sahat tu akhir Desember 2008, anggota ni CUM Eben Ezer sagodang 358 halak, deba nunga taurupi laho maminjam tu pengembangan usaha-usaha tani dohot dagang. Tasosohon do asa, lam torop hita rap marsaor di CUM i, dalanta laho masiurupan dohot masitungkolan di hinaponjot ni ekonomi global na masa di ombas parpudi on.

D. PENATALAYANAN:

1. Laporan Keuangan ganup Huria

Tung tahamauliatehon do tu Tuhan i marhite parhaladoNa di ressort on, ala Laporan Keuangan ni na tolu huria, sai sahat do tu Ressortta ganup bulan. Pos do roha nunga tamulai nangetnanget laho patulushon i alai di taon 2009 on naeng ma lam meningkat i songon tanda ni parsitutuonta laho pauliulihon HKBP di sandok portibi on.

2. Panopotion Tu Angka huria

Laho manghobasi angka ulaon di huria, borhat do sian Ressort on (Pandita Ressort, Parhalado Ressort, Uluan ni huria) patupahon angka pangebation tu sude huria na di ressort on. Adong ma i ala na tardidi, manghatindanghon haporseaon, patupahon ulaon nabadia, pasahathon pasupasu parbagason dohot angka na manguluhon kebaktian Minggu hombar tu roster, suang songon i manguluhon angka rapot. Jala dung gabe ressort hita, sai tausahahon do asa adong ulaon Tukar Mimbar di na tolu huria laho manguluhon parjamitaon, tarlumbi angka amanami-inanami parhalado ni ressortta. Dipasupasu Tuhanta ma angka panghobasion i bahen sangap di GoarNa laos huhut pahehe angka huria asa lam mangoloi Tuhanta.

III. STATISTIK

Statistik ni ressortta na boi tarpatupa hami sahat tu tingki on, ima hombar tu data ni ganup huria di tingki na naeng gabe Ressort hita, data terakhir Juni 2008, songon on ma :

A. Statistik HKBP Dolok Nauli

A m a ( kaum Bapak ) : 352 Jiwa

I n a ( kaum Ibu ) : 365 Jiwa

Natuatua ( Lansia) : 16 Jiwa

Remaja Laki-laki (belum naik Sidi) : 382 Jiwa

Remaja Perempuan (belum naik sidi) : 423 Jiwa

Dewasa Laki-laki (sudah naik sidi) : 258 Jiwa

Dewasa Perempuan (Sudah naik sidi) : 378 Jiwa

Anak-anak Laki-laki : 387 Jiwa

Anak-anak Perempuan : 454 Jiwa

JUMLAH : 3015 Jiwa

JUMLAH KEPALA KELUARGA : 368 KEPALA KELUARGA.

B. Statistik HKBP Sigumbang

a. A m a : 208 Jiwa

b. I n a : 234 Jiwa

c. Remaja laki-laki : 154 Jiwa

d. Remaja perempuan : 168 Jiwa

e. Dewasa laki-laki : 86 Jiwa

f. Dewasa perempuan : 132 Jiwa

g. Anak-anak Laki-laki : 238 Jiwa

f. Anak-anak Perempuan : 267 Jiwa

JUMLAH : 1487 Jiwa

Dengan JUMLAH KEPALA KELUARGA : 252 KEPALA KELUARGA.

C. Statikstik HKBP Sijaba

a. A m a : 56 Jiwa

b. I n a : 74 Jiwa

c. Remaja laki-laki : 20 Jiwa

d. Remaja perempuan : 24 Jiwa

e. Dewasa laki-laki : 45 Jiwa

f. Dewasa perempuan : 30 Jiwa

g. Anak-anak Laki-laki : 53 Jiwa

f. Anak-anak Perempuan : 70 Jiwa

JUMLAH : 374 Jiwa

Dengan JUMLAH KEPALA KELUARGA : 62 KEPALA KELUARGA.

REKAPITULASI ; 4876 Jiwa dengan 682 Kepala Keluarga.

IV. LAPORAN KEUANGAN DAN DAFTAR INVENTARIS

Songon ressort naimbaru ressort Dolok Nauli, hombar tu haputusan ni Rapot Ressort di tanggal 20 Juli 2008 na salpu, ndang apala dibahen do pe anggaran na tontu di taon 2008. Marhadomuan do i tu anggaran Ressort di HKBP Ressort Siborongborong taon 2008. Ala ni angka kewajiban ni ressortta hombar tu haporluanna, sai dipatupa do parsagi siguguon sian na tolu huria. Alai anggo pelean II dohot na marboho mulai 20 Juli 2008 tangkas do laporhonon ni Sekretaris Bendahara ni Ressortta annon.

Inventaris ni Ressortta songon on ma :

1. Kantor Ressort (dalam proses) di Lantai 2 1 unit

2. Jabu Dinas Pandita Ressort 1 unit

3. Stempel Ressort & Bantalan 1 set

4. Bibel,Agenda dohot Buku Ende (panjaean sian Ress. Siborongborong)

5. Buku-buku Administrasi

a. Buku Panuratan ni Na tardidi 1 buah

b. Buku Panuratan ni Na Mang. Haporseaon 1 buah

c. Buku Panuratan ni Na Marbagas 1 buah

d. Buku Kas Ressort 1 buah

e. Daftar hadir Sermon Parhalado 1 buah

Nuaeng hulehon ma tingki tu amanta Sekretaris Bendahara Ressort, amang St. Pilin Lumbantoruan, laho paandarhon Laporan Keuangan ni HKBP Ressort Dolok Nauli sian Minggu kedua (tgl 20) Juli 2008 sahat tu Desember 2008.

V. PENUTUP

Songon i ma pinatupa Barita Pangulaon dohot Laporan Parhepengon di HKBP Ressort Dolok Nauli on, pinatolhas tu tongatonga ni Rapot Ressort na hinormatan on. Anggiat ma marguna laho mamereng dompak jolo sihobasanta di tongatonga ni huria i di taon 2009 on.

Di tingki nauli on hupasahat hami ma mauliate godang tu angka amanta/inanta Peserta Rapot Ressort on, Tuhanta ma na mamasumasu hamu di angka ulaonmuna jala gabe pelean na mangolu ma angka na pinatupamuna manghobasi huria i. Huulahi hami muse, diangka panghataion na hurang lobi hupasahat hami maaf tu hita saluhutna. Horas ma jala Mauliate ma di hita saluhutna.

Sitampurung, 29 Januari 2009,

Pdt. Lerik Jon Panjaitan, STh

Pandita HKBP Ressort Dolok Nauli.

P R O G R A M

HKBP RESSORT DOLOK NAULI

TAHUN 2009

I. PATUJOLO

Hombar tu haputusan ni Sinode Distrik HKBP Distrik XVI Humbang Habinsaran, tarlumobi dibagasan Taon 2009 on, gabe TAHUN DIAKONIA HKBP, hombar tu Program Umum HKBP, patupaon ma Program HKBP Ressort Dolok Nauli taon 2009, marojahan tu Tema: “Ringkoti hamu huhut hasonangan ni huta habuanganmuna na hubahen i, jala tangiangkon hamu nasida tu Jahowa, ai molo marhasonangan huta i, marhasonangan ma dohot hamu ” (Jeremia 29 : 7 ). Jala marhite Sinode Distrik ditotophon do angka sihobason ni angka ressort na adong di tongatonga ni panghobasion ni HKBP Disrik XVI Humbang Habinsaran na dipahombar tu Program TAHUN DIAKONIA HKBP 2009.

II. ANGKA NA NAENG SIPATUPAON

A. Hombar tu Haputusan ni Sinode Distrik

1. Pelean II / Namarmoho dan Laporan Keuangan Ressort

Untuk menertibkan administrasi laporan keuangan, diharapkan :

ü Pelean II dan Namarboho dapat diserahkan penuh kepada Kantor Pusat HKBP sebagai wujud nyata dari perubahan dan pelayanan HKBP secara hatopan untuk lebih baik ke depan.

ü Pelean II / Namarboho disetorkan ke Sekretaris Bendahara Distrik untuk kemudian dikelola oleh CUM Eben Ezer sebelum disetorkan ke kantor pusat.

ü Laporan keuangan ressort dilaporkan sekali sebulan ke distrik untuk memantau perkembangan pelayanan di setiap ressort.

2. Buku Partangiangan Keluarga

Buku Partangiangan Keluarga sipangkeon Ganup ari akan dikelalo secara mandiri oleh HKBP Distrik XVI Humbang Habinsaran, dan Pendeta Ressortlah yang menjadi penanggungjawab di setiap ressort masing-masing untuk pengembangan dan pensosialisasiannya. Untuk itu, kerjasama dengan berbagi pihak untuk pendanaan, seperti Mitra Distrik dan yayasan lainnya, dapat duduk bersama untuk memikirkan langkah tersebut di atas.

5. Forum Komunikasi Sintua Distrik (FKSD)

Untuk mempererat persekutuan sintua se-distrik XVI, diharapkan :

ü Pengurus yang telah dipilih sebelumnya, mengaktifkan diri melayani FKSD, supaya lebih baik.

ü Database sintua yang ada di distrik ini, sesegera mungkin untuk diwujudkan.

ü Mengadakan Perayaan Natal Sintua se-Ressort Dolok Nauli, pada tanggal 28 Desember 2008, sebagai wujud nyata dari perubahan yang ada.

ü Mengadakan suatu kegiatan seminar atau semiloka dengan pokok perbincangan tentang Adat, Lingkungan Hidup dan ekonomi kerakyatan.

6. Persekutuan Wanita Distrik (PWD)

Untuk menghidupkan kembali persekutuan wanitia di Distrik, perlu dilakukan :

ü Penata ulang organisasi perempuan Distrik.

ü Perlu mendiskusikan program yang akan dilakukan di PWD, seperti bagaimana pengembangan ekonomi dalam keluarga, gender, pengembangan pertanian di pasca-panen, dan lain sebagainya, yang berhubungan erat dengan fungsi wanita – perempuan di tengah keluarga dan masyarakat.

ü Mengadakan Sosialisasi Undangundang Kekerasan Dalam Rumah Tangga (UU-KDRT) di distrik ini melalui sebuah seminar atau semiloka, yang direncanakan diselenggarakan pada Bulan APRIL 2009 di Jetun Silangit.

7. Persekutuan Remaja Naposobulung Distrik (PRND)

Untuk menindaklanjuti pelayanan di kategorial remaja naposobulung distrik, maka diharapkan :

ü Mengaktifkan pengurus yang sudah ada sebelumnya untuk dapat melayani secara maksimal.

ü Memprogramkan Program Pemberdayaan NHKBP: Latihan Kepemimpinan, wirausaha, yang akan diselenggarakan pada bulan Juni 2009.

ü Pemanfaatan lahan perkampungan pemuda Jetun Silangit secara maksimal dengan bekerjasama dengan Kategorial Pemuda HKBP.

ü Mengadakan pembinaan kepada NHKBP yang putus sekolah dan peningkatan keterampilan pemuda menghadapi globalisasi.

ü Ikut mensukseskan kegiatan Youth Camp dan Konsultasi Pemuda HKBP.

8. Pembinaan Guru Sekolah Minggu

Untuk mengembangkan pelayanan yang terpadu di kategorial sekolah minggu, maka perlu dilakukan :

ü Mendukung dan menyelenggarakan SEKOLAH GURU-GURU SEKOLAH MINGGU, seperti yang telah diprogramkan di tingkat pusat.

ü Pembinaan guru-guru sekolah minggu dilaksanakan untuk mendampingi guru sekolah minggu dalam hal curiculum sekolah minggu yang selaras dan terpadu serta pengadaan buku panduan guru sekolah minggu yang sesuai dengan konteks distrik maupun hatopan.

ü Mengadakan retreat guru-guru sekolah minggu pada awal Juli 2009 yang selanjutnya pelaksanaan Jambore Sekolah Minggu di Jetun Silangit.

9. Kegiatan dan Program Kerja Kemitraan

Untuk mensinergiskan pelayanan di dalam kerjasama kemitraan Distrik, maka perlu diperhatikan dan dilaksanakan:

ü Penataan organisasi Mitra Distrik.

ü Mengadakan pertemuan Badan Pengurus Mitra (BPM) 1 x 1 bulan.

ü Mendukung dan melaksanakan Minggu Kemitraan yang dilaksanakan di setiap lini pelayanan distrik XVI.

ü Pengembangan ekonomi melalui program Mitra di bidang pertanian, peternakan dan penghijauan.

ü Mengadakan pengobatan massal yang bekerjasama dengan Rumah Sakit terdekat dan RS. HKBP Balige.

ü Mensosialisasikan Triangle Partnership (HKBP Ressort Dolok Nauli, Distrik Aachen dan Distrik di Afrika)

Program dan kegiatan yang dilakukan dan diselenggarakan oleh BPM HARUS berkoordinasi dan sepengetahuan Distrik atau praeses.

10. Community Union Modification (CUM) atau Kredit Usaha Masyarakat (KUM)

Untuk mengembangkan dan memikirkan peningkatan ekonomi kerakyatan yang telah diprogramkan HKBP melalui CUM, Oleh karena itu perlu dilaksanakan :

ü Sosialisasi CUM di setiap Ressort melalui media sermon ressort masing-masing (jadwal disesuaikan dengan jadwal sermon resssort masing-masing)

ü Mendukung dan ikut menjadi anggota CUM yaitu semua pelayan full time (WAJIB), sintua dan warga jemaat di distrik XVI.

ü Memaksimalkan pengembangan usaha yang dilakukan CUM, yaitu Pengelolaan Keuangan Pelean II – Namarboho Distrik, pengadaan blangko, pengadaan pupuk (organik, anorganik), pengadaan bibit unggul, bibit ternak dan lain-lain, yang bekerjasama dengan berbagai pihak.

ü CUM menjadi tempat penyimpanan KAS HURIA di Ressort Dolok Nauli, dengan Pendeta Ressort sebagai penanggungjawab.

11. Komite HIV / AIDS

Mendukung program HKBP khususnya dan dunia secara umum, dalam hal penanggulangan penyakit HIV / AIDS, maka HKBP Ressort Dolok Nauli akan pemberdayaan pengurus, sesuai Peraturan KOMITE HIV/AIDS Distrik.

12. Penghargaan kepada Siswa/i berprestasi dan Beasiswa

Untuk memotivasi siswa/i di jemaat di wilayah pelayanan distrik XVI, terutama di dalam minat belajar, salah satu cara adalah memberikan penghargaan kepada mereka siswa/i yang berprestasi di sekolahnya, mulai dari tingkat SD, SMP dan SLTA, sepert buku, pulpen dll serta menerbitkan Piagam Penghargaan bagi mereka. Untuk itu, perlu diperhatikan dan dilaksanakan :

ü Setiap Ressort mengatur dan mendata siswa/i yang berprestasi untuk selanjutnya menyerahkan penghargaan sesuai dengan kemampuan dan kebutuhan masing-masing ressort.

ü Distrik menerbitkan Piagam Penghargaan bagi siswa/i berprestasi dari laporan setiap ressort, secara khusus untuk Juara I (pertama( di berbagai tingkat sekolah.

Secara khusus untuk memikirkan beasiswa, diharapkan akan suksesnya gerakan Rp 1,000 (seribu Rupiah), disamping usaha-usaha pencarian dana oleh Distrik.

13. Guest House

Untuk memaksimalkan pemanfaatan guest house distrik, maka perlu diperhatikan dan dilaksanakan :

ü Merenovasi guest house dengan biaya ditaksir + Rp 10,000,000,- (Sepuluh juta rupiah)

ü Untuk memenuhi anggaran renovasi guest house di atas, maka perlu melaksanakan suatu Pesta Distrik yang akan dihasuhuthon Ina yang akan diselenggarakan pada bulan April 2009.

ü Mengangkat Panitia untuk Perenovasion Guest House.

14. Perpustakaan Distrik

Dalam rangka meningkatkan pengetahuan warga jemaat terutama dalam hal minat baca bagi anak-anak dan remaja, maka perlu mengadakan perspustakaan atau taman bacaan di distrik.

15. Tenaga Diakones

Untuk lebih mengfungsikan peran guest house, penanganan terhadap buruh pabrik, pelayan ke penjara, pelayanan lansia serta pelayanan terhadap supir angkutan di wilayah Siborongborong, maka distrik sangat membutuhkan seorang tenaga diakones yang full timer dengan penggajian dari Pusat HKBP.

16. Renovasi Rumah Dinas Praeses

Dengan memperhatikan rumah dinas praeses sudah tua, maka renovasi perlu dilakukan.

17. Penanganan Masalah-masalah Sosial Masyarakat

Ressort Dolok Nauli berkerjasama dengan aparat keamanan untuk menekan pertumbuhan penyakit sosial di tengah masyarakat, terutama kepada kaum muda.

18. PENATA LAYANAN

I. Agenda

I.1. Agenda HKBP:

I.1.1. Angka pandohan naung dirumushon di agenda HKBP, ima sijahaon / sidohonon ni na maragenda, unang be ditamba-tambai.

I.2. Na marhdomuan tu Pandidion Nabadia:

I.2.1. Akte Pandidion : Disurathon ma tangkas goar, marga ni na tardidi. Songon i ma dohot huta hatubuan ni posoposo i di jolo ni ari/tanggal tubuna.

II. Goar dohot marga ni na tardidi i dijahahon pandita na mandidihon.

II.1. Goar ni dakdanak

II.1.1. Sosohonon ni huria marhite parguruan asa hombar tu administrasi Negara mambahen goding leter (huruf) ni goar ni dakdanakna.

II.2. Manghatindanghon Haporseaon

II.2.1. Mamereng lam tu boratna angka persoalan siadopan ni angka anakhonta, dohot lam maol panogunoguon tu angka anakhonta na lao manghatindanghon haporseaonna. Ingkon tangkas ma jolo mamolus pargurumaluaan angka na laho malua /manghatindangkon haporseaonna, di tonga ni huria natorasna.

II.2.2. Angka anakhon ni ruasta na so mamolus pargurumaluaan, ala partingkian na manosak (isara: naeng marhasohotan; topet mulak sian pangarantoan) boanon ma nasida manompang malua tu huria na niaturhon ni pandita Ressort.

II.2.3. Anakhonta na markost di luar ni luatta on ( ala sikola & karejo) boi do rap malua dohot angka naung marguru malua i marhite surat hatorangan ringgas marminggu sian huria parinduksomangan nasida.

II.3. Na naeng marbagas

II.3.1. Ruas na mangalua,:

II.3.1.1. Dung dipatupa partumpolon dipasahat ma boru i tu jabu ni parhalado ( Sintua luggu, Guru huria, Bibelvrow, Diakones, Pandita ) asa laos disi dipatupa Counseling pastoral pranikah, mangajari hata ni Debata.

II.3.1.2. Ruas ni huria naung tangkas maralo tu Ruhut Parmahanion Paminsangon manang RPP-HKBP sitingtinghononhon ma nasida di balian huria.

II.3.2. Pamasumasuon;

II.3.2.1. Tukar cincin di acara pamasumasuon, dipatupa ma i dung sidung panangkasion ni pandita, jala andorang so masilehonan tangan siamun, jala ndang pola mardongan hata ( hohom ma pasahathonsa ).

II.3.2.2. Di acara kebaktian pamasumasuon i dipatupa ma tangiang pelean.

II.4. Ulaon di na monding :

II.4.1. Baju Tohonan haparhaladoon :

II.4.1.1. Parhalado na manguluhon ulaon di na monding ( kebaktian minggu / acara penguburan ) mamangke Baju Tohonan ni parhalado na manghobasi ulaon i.

II.4.2. Manutup batang na mate:

II.4.2.1. Pandita mangampehon tangan di atas ni na monding uju mandok hata : ’Sai diramoti Tuhan Debata………..”

II.4.2.2. Partohononan ( Guru huria, Sintua, Bibelvrow, Diakones ) mambahen agenda di atas ni na monding uju mandok hata : ’Sai diramoti Tuhan Debata………..”

II.4.3. Mandabu tano di udean na so adong diaturhon di agenda HKBP :

II.4.3.1. Pasahaton ma tingki tu keluarga/natorop dung simpul didok parhalado na manguluhon sada ayat na di agenda i.

II.4.3.2. Tangkas ma hata ni Debata dihatahon uju mandabuhon tano i, na adong be pandohan situjuhonon tu na monding.

II.4.4. Parbagi ni jambar :

II.4.4.1. Na so jadi padalan juhut tata andorang so borhat tu udean, uju monding na tuatua.

II.4.4.2. Na so jadi patupaon tortor mangalap jambar, alai denggan ma dipatupa tortor mangihut jambar.

II.4.4.3. Molo adong angka situasi/ tingki na ringkot jala denggan ma dilehon dispensasi marhite jambar mangihut.

II.5. Haruason ni huria :

II.5.1. Di angka ruas na naeng pindah parhuriaon ingkon tangkas / denggan mamboan surat parhuriaon nasida, asa dijangkon gabe ruas

II.5.2. Keluarga na laho ruas ni huria, na so denggan / ndang adong surat pinda na tangkas ( isara na mulak sian pangarantoan), tangkasan ma sialana jala pamanaton na so maralo langka nasida tu angka poda ni HKBP; jangkonon ma gabe ruas parguru

II.5.3. Pamanaton ma parsitutuon ni ruas parguru saleleng 6 bulan, dungi jangkonon ma nasida gabe ruas na gok.

II.5.4. Panjangkonon mulak tu huria di bilut parhobason boi ma dipatupa hombar dengganna.

II.6. Kesejahteraan Pelayan penuh waktu

Tangkas ma diringkoti kesejahteraan ni pelayan penuh waktu songon ditotophon di distrik XVI Humbang Habinsaran, hian 2 x SK ni Kantor Pusat HKBP. Pasahatton ni distrik ma surat sunggul-sunggul tu ganup huria/resort mannungguli hon 2 X SK X 14 bulan.

II.7. Surat Satu pintu :

Nasa surat haruar sian huria ingkon marhite panolopion ni Pandita Ressort dohot stempel resort ni huria i.

II.8. Tangkasan ni huria ma ise do ruas na ingkon berkewajiban manggarar guguan taon (pelean taon) hombar tu konteks ni huria-huria manang resort.

II.9. Pembinaan tu Calon Sintua

II.9.1. Tangkas ma dipatupa huria / resort pembinaan / pangajarion tu angka calon sintua.

II.9.2. Dalan nasida marparaktekkon parsiajaran / panghobasion nasida boi ma nasida maragenda / marjamita di tonga ni partangiangan lunggu/ lingkungan.

II.10. Penyederhanaan Adat :

II.10.1. Pamangkeon tingki :

II.10.1.1. Parmanganon di angka peta-pesta adat dipatupa pkl 13.00 wib dungi pe asa diudut ulaon.

II.10.1.2. Manjaga harentaon dohot hatohomon martangiang lao mangan, jumolo ma martangiang asa disagihon sipanganon.

II.10.1.3. Penguburan tu na monding na lumambatna pkl.18.00 wib.

II.10.2. Pesta Adat saurmatua / pasidung ari ni natuatua :

Disosohon ma tu ganup paradatan asa unang ma dipatupa tingki ari minggu.

II.11. Harentaon ni Parhalado :

Marpahean na umbuk tu angka ulaon panghobasion ni huria, isara lao marminggu : mamangke jas, kemeja, mardasi; marsermon mamangke pahean na umbuk.

B. Hombar tu Ressort Dolok Nauli

KOINONIA

1. Parmingguon

a. Hahohomon

- Di tingki manjaha epistel di parmingguon, tangkas ma marojahan tu agenda HKBP (epistel, turpuk, patujolo ni jamita).

- Dipatupa ma tangiang na hohom di tingki manopoti dosa marhite na mangkuling organ manang mengendehon ende na marpardomuan tu hasesaan ni dosa. Anggo taringot tu sadihariana siehanta ma asa dung tangiang manopoti dosa, andorang so bagabaga.

- Unang dipasahat hamauliateon di tingki ari Minggu, molo dipasahat pe ari Minggu i tu Minggu na ro ditingtinghon.

- Sude ma parhobas di minggu i tangkas mangarade

- Di angka tingki na ingkon jongjong ruas ni huria di ibadah minggu, laho mangendehon ayat parpudi ma jongjong ruas ni huria i.

- Tangkas ma jolo dijaha ayat andorang so papungu pelean, dalan laho pasunggulhon haporseaon.

- Manjaga kebersihan, Handphone di non-aktifkan, huhut dilarang keluar masuk gereja selama ibadah.

b. Parhalado

- Satonga jom andorang so masuk parmingguon, nunga ingkon sahat parhalado di gareja.

- Mengaktifkan Parhalado harentaon di tiap pintu gareja.

- Paragenda hundul molo dung nangkok parjamita.

- Marpahean na tohom ma angka parhalado

- Dung simpul parmingguon, parjamita dohot paragenda jongjong ma dipintu ni gareja asa marsijalangan patudu parsaoran na denggan.

- Hatiha manghobasi ulaon ni monding, tangkas na manguluhon marjubah suang songon i nang na manjaha ende.

- Dipatupa ma Evaluasi Panghobasion parmingguon

c. Koor – Song Leader

- Tangkas ma dipersiaphon koor diguruhon hombar tu tema ni jamita di parmingguon

- Molo so markoor tangkas ma dilaporhon tu paragenda asa paragenda malaporhon tu parorgan.

- Naeng ma di ganup parmingguon tangka parorgan dohot song leader manghobasi ulaon i dung jolo latihan.

d. Parmingguan Bahasa Indonesia

- Denggan ma ganup huria patupahon parmingguon na berbahasa Indonesia ummotikna 1 x 1 bulan.

2. Partangiangan Lingkungan/Wyk

- Dipatupa ma partangiangan wyk di ganup huria mamangke buku partangiangan lingkungan na hinaluarhon ni ressort.

- Tangkas ma diguruhon angka ende na di buku ende i andorang so masuk partangiangan.

- Asa gumodang ma Ende Suplemen diajarhon di partangiangan

- Denggan ma calon sintua marhobas di partangiangan lingkungan marhite na boi maragenda.

- Di angka wyck na manghaporluhon pemekaran, sipatupaon ma i laho patotahon panghobasion na lam dumasip.

- Denggan ma diparade roster inganan partangiangan dibagasan sataon.

3. Partangiangan Keluarga

- Sude ma rumatangga mamangke buku partangiangan keluarga na hinaluarhon ni distrikta.

- Di partangiangan ni ganup seksi dipangke ma Buku Partangiangan Keluarga andorang so mamungka marguru ende.

4. Pandidion Nabadia

- Denggan ma panghobasion ni huria taringot tu Pandidion Nabadia, tarlumobi tu parguruan ni natorasna (Ama dohot Ina) andorang so ari pandidion i.

- Molo adong natoras na parmisi di parguruan i, ingkon jolo tangkas ma adong surat izin na hinatindanghon ni sintua lingkunganna.

- Molo Anak panganto do natoras ni dakdanak i, tangkas ma Surat Parhuriaonna sian inganan pangarantoanna.

- Ingkon natoras ni dakdanak i do na mamboan tu pandidion nabadia, alai molo ndang adong be natorasna, dung jolo marumur 14 taon ma dakdanak i ro manjalo pandidion nabadia.

5. Manghatindanghon Haporseaon

- Dipatupa ma parguruan minimal 1 taon (120 pertemuan) tu angka na naeng manghatindanghon haporseaonna.

- Denggan ma dihobasi ianakhon ni huria na ro sian huria na asing na naeng manghatindanghon haporseaon dung jolo diboan surat hatorangan parhuriaonna.

- Songon udut ni program tahun 2007 di HKBP Ressort Siborongborong, ndang be patupaon Malua na Istimewa di tahun 2008 on, alai ingkon marguru na ma songon na niaturhon ni HKBP.

6. Marulaon Nabadia

- Dipatupa ma 2 hali sataon ulaon na badia di ganup huria, di minggu Paskah dohot Minggu-minggu Advent.

- Patupaon ma ulaon na badia tu angka na marsahit suang songon i nang keluarga na mangharingkothonsa.

7. Pamasumasuon Parbagason

- Dipatupa ma Counseling Pra-Nikah tu angka pasangan na naeng manjalo pasupasu parbagason na ni dohotan ni sintua lingkunganna di tingkat huria 2 (dua) ari andorang so ari pamasumasuon, dipatupa ma pastoral counseling tu pandita na naeng mamasumasu.

- Molo mangalua ianakhon ni huria, pengantin parompuan dipalumehon ma di jabu ni huria manang di jabu ni sintua lingkunganna.

- Dipatupa ma kerjasama na tangkas dohot pamarenta laho paadonghon Catatan Sipil.

8. Padalanhon Parmahanion dohot Paminsangon (RPP)

- Dipatupa ma panorangion na tangkas tu parhalado taringot RPP na niuluhon ni angka pangula na gok tingki.

- Sude ma parhalado adong buku RPP

- Tangkas ma diparade pangantusion taringot RPP tu ganup ruas di partangiangan lingkunga.

- Denggan ma dipatorang jala dipaboa Parhalado sosososo tu keluarga/ruas na naeng hona RPP i, jala parhalado ma nimbangi dohot mamutushonsa.

9. Padengganhon Administrasi ni huria

- Pasingkophon angka Administrasi na di angka huria. Tarlumobi ma asa sude huria mangadonghon Kartu Ruas ni Huria, songon dalan patotahon Statistik ni Huria na lam tu singkpna.

- Denggan ma dipatupa administrasi di ganup lingkungan marhite na ingkon jolo sian sintua lingkungan do sude panangkasion ni ulaon ni ruas di tongatonga ni huria i.

10. Mangarade angka sarana di huria

- Denggan ma diparade angka sound system di ganup huria.

- Denggan ma diparade alat musik laho manghehei na lam dumenggan na parmingguon.

- Mangusahahon pembangunan Kantor Ressort

- Mangusahahon penambahan ni Inventaris Ressort.

11. Angka Rapot di Huria / Ressort

- Dipatupa ma Rapot Huria na ummotikna sahali sataon dipatupa di awal taon. (Tangkas marhite Rapot on, ditotophon Rapot Huria di na tolu huria on)

- Dipatupa ma Rapot Evaluasi Panghobasion dohot laporan parhepengon di ganup huria, na ummotikna sahali tolu bulan dalan laho mangevaluasi dohot padengganhon panghobasion na lam dumenggan.

12. Pahehehon Angka Kategorial

- Patupahon pembinaan tu angka Dewan na adong di ganup huria di tingkat ressort.

- Patupahon parheheon ni Ama dohot Ina Sa-Ressort Dolok Nauli, marhite na pabangkithon Pengurus Ama Sa-Ressort Dolok Nauli (tingki akhir Pebruari 2009), Perayaan Paskah HKBP Ressort Dolok Nauli, tgl 13 April 2009 (Pesta Paskah II) na hinasuhuthon ni Pengurus Ama Ressort di HKBP Dolok Nauli dohot Parheheon ni Ama Ressort Dolok Nauli tgl 01 Juni 2009 (Pesta Pentakosta II) di HKBp Sigumbang, dung jolo adong pangebation ni punguan ama di tolu huria. Jala puncaknya ima Pesta Natal Ama HKBP Ressort Dolok Nauli di HKBP Sijaba, tgl 26 Desember 2009.

- Pengurus NHKBP Ressort Dolok Nauli, tangkas ma patupa Program na naeng patupa Rapot dung simpul Rapot Ressort on.

- Tangkas ma diantusi ganup seksi/punguan na adong di huria rap mamingkirhon na porlu jala na ringkot di pardalanan ni huria ni Tuhan i di portibi on.

13. Parsermonan Ressort dohot Huria

- Sipatupaon ni sude huria ma parsermonan 1 x saminggu, mangarade angka parjamita di partangiangan wyk dohot mangaratai angka sihobasan. Tingki ni parsermonan i di pasahat ma tu ganup uluan ni huria laho manontuhonsa.

- Sipatupaon do parsermonan Ressort 1 x saminggu laho mangaratai dohot pabagashon jamita tu ari minggu na mangihut, laos huhut patotahon angka panghobasion naung di programhon taon 2009 di HKBP Ressort Dolok Nauli. Sidohotan ni sude angka parhobas na naeng marjamita minggu ma parsermonan i, Uluan ni Huria, Parhalado Ressort ganup ari Selasa pk 16.00 WIB – Pk 18.00 WIB.

- Tangkas ma angka parhobas na sian Ressort disurathon di roster ni Ressort di ganup huria, jala dipasahat ma roster sian ganup huria tu Parhalado Ressort.

14. Pangangaradeon tu Parhalado na Pensiun

- Hombar tu Aturan Peraturan (2002) HKBP ma taringot tu Parhalado na Pensiun (dung marumur 65 taon)

- Denggan ma boaboa tu parhalado na naeng pensiun i, di usahahon ma sataon andorang so pensiun.

- Sipasahaton ma Cendramata (berupa Logo HKBP, Bibel+BE.Suplemen) sian huria (hombar tu kemampuan) dohot Surat Pansiun sian Ressort di tingki ari pansiun i.

14. Pangaradeon tu Calon Sintua

- Dipabangkit jala dipillitma angka Calon Sintua di ganup lingkungan hombar tu haporluanna.

- Dipatupa ma parsiajaran na tangkas tu Calon Sintua di tingkat Ressort na ummotikna 1 x 3 bulan.

MARTURIA

1. Song Leader

- Dipatupa ma Song Leader di ganup huria asa lam denggan parendeon di parmingguon dung jolo dilatih dohot denggan.

- Dibentukma sada tim song leader di ganup huria laho mangaturhon jadwal nasida.

2. Parorgan

- Denggan ma latihan dipatupa tu na marorgan, diarop do sadari andorang so ari minggu sahat ma angka ende tu nasida.

3. Angka acara di pesta huria

- Denggan ma diparade angka huria dohot ressort angka acara di angka pesta ni huria na markoordinasi dohot Distrik.

4. Drigent koor

- Patupahon pembinaan (binavokalia) tu dirigent koor dalan laho padengganhon parendeon di ganup punguan koor di angka huria.

6. Pesta Pembangunan HKBP Sijaba.

- Tangkas ma rap mamingkirhon patupahon sada pesta pembangunan di HKBP Sijaba dalanta laho padimundimunhon bagas joro ni Tuhanta. Disangkapi patupaonta ma i, dibulan Maret 2009 on. Alani angka pangaradeon dohot angka sihobason, denggan ma ditangianghon dibagasan Rapot on.

DIAKONIA:

a. Siulaon ni huria taringot tu hahipason

- Patupahon partangiangan di jabu ni keluarga na marsahit na so boi ro tu parmingguon be.

- Patupahon kerjasama dohot Rumah Sakit songon i nang dohot angka ianakhon ni huria na mangalehon roha laho patupahon pengobatan gratis.

- Patupahon kerjasama dohot lembaga Diakonia Pelangi Kasih laho manghobasi angka ruas ni huria.

- Patupahon kerjasama dohot Distrik laho pajongjonghon komite AIDS dalan laho pangaradotion ni sahit masyarakat on.

- Patupahon kerjasama dohot pamarenta laho mangusahahon Kartu Pengobatan Gratis tu Ruas na Kurang Mampu.

b. Siulaon ni huria taringot tu pendidikan

- Patupahon Bimbingan Test tu angka ianakhon ni ruas na di SMP dohot SMA na berkoordinasi dohot Dewan Koinonia.

- Patupahon seminar-seminar na boi pahinsathon parbinotoan ni ruas songon i nang masyarakat nang humaliang.

c. Siulaon ni hura taringot tu kemasyarakatan

- Patupa kerjasama dohot Pamarenta tarlumobi dohot LADN (Lembaga Adat Dalihan Natolu) na marpardomuan tu adat dohot paradaton, songon on ma :

1. Sieahan ma asa Jom 13.00 WIB (jom 1 arian) ma dipatupa parmanganon di pesta.

2. Dibuha dohot ditutup tangiang na niuluhon ni Parhalado ma parmanganon di angka pesta.

3. Taeahi ma asa holan di gareja markoor angka punguan jumpa angka pesta.

4. Siehaan ma asa salambatna jam 17.00 WIB (jom 5 botari) ma ulaon panguburan di angka na monding, jala diusahahon ma asa unang dipatupa ulaon i tingki ari Minggu.

- Mendukung penuh pajongjonghon PROPINSI TAPANULI.

d. Siulaon ni huria taringot sosial (ekonomi warga).

- Patupahon pelatihan tu Kelompok-Kelompok Tani, CU dohot Koperasi na naung dibentuk huria, na markoordinasi dohot Distrik songon i nang Departeman Diakonia HKBP.

- Pajongjonghon Kelompok-kelompok Tani/CU/Koperasi di ganup huria dalan laho padengganhon pandaraman ni ruas.

- Patupahon acara partangiangan di ganup parpunguan ni angka kelompok tani/CU dohot Koperasi na naung dibentuk i.

- Sude ma parhalado ni huria na adong di HKBP Ressort Dolok Nauli gabe Anggota CUM Eben Ezer HKBP Distrik XVI Humbang Habinsaran jala ditogihon ma ruas ni huria i.

e. Taon Diakonia HKBP.

- Sude ma huria tangkas paradehon Spanduk Tahun Diakonia HKBP.

- Mendukung sepenuhnya Program Tahun Diakonia HKBP 2009, isarani : Festifal Koor Mars Taon Diakonia HKBP 2009 (disangkapai tanggal 01 Maret 2009), adong ma utusan ni Ressort Dolok Nauli tu Festifal i (Gemende Koor ma bentukna), dohot angka Program na asing na naung andar di BUKU PANDUAN TAHUN DIAKONIA HKBP 2009 naung disagihon tu ganup huria.

III. ANGGARAN

Tangkas ma tahatai dibagasan tangiang tu Tuhan i (Konsep terlampir)

IV. PANUTUP

Dibagasan pos ni roha tu Debata ma hita, pasauthon ulaon ni Tuhan i di tongatonga ni huria i dohot portibion. Anggiat lam mangerbang Harajaon ni Debata, mamboan haimbaruon di tongatonga portibion nang tu ruas ni HKBP.